وسى جىلدىڭ العاشقى 6 ايىنىڭ قورىتىندىسى بويىنشا قازاقستانداعى ەپيدەميولوگيالىق جاعداي تۇراقتى. بۇل تۋرالى دەنساۋلىق ساقتاۋ مينيسترلىگىنىڭ سانيتاريالىق-ەپيدەميولوگيالىق باقىلاۋ كوميتەتى مالىمدەدى, دەپ جازادى Egemen.kz.
31 ينفەكتسيا, ونىڭ ىشىندە قىزىلشا, كوكجوتەل - 6,8 ەسە, ا ۆيرۋستىق گەپاتيتى - 2,4 ەسە, كوروناۆيرۋستىق ينفەكتسيا - 2,1 ەسە, ليامبليوز - 30%, اسكاريدوزبەن تىركەلگەندەر - 20% تومەندەگەن.
وسى كەزەڭدە 24 ينفەكتسيالىق اۋرۋ: وبا, تىرىسقاق, ديفتەريا, پوليوميەليت, ءىش سۇزەگى, پاراتيفپەن سىرقاتتانۋشىلار تىركەلمەگەن.
«قىزىلشاعا قارسى پروفيلاكتيكالىق ەگۋلەردىڭ ۇلتتىق كۇنتىزبەسى شەڭبەرىندە 336 مىڭنان استام, كوكجوتەلگە قارسى 480 مىڭنان استام بالا ەكپە الدى. ۆاكتسيناتسيالاۋمەن قامتۋ ۇسىنىلعان كورسەتكىشتەر شەگىندە بولادى. سونداي-اق, ۇلتتىق يممۋنداۋ باعدارلاماسى باسىمدىقتارىنىڭ ءبىرى ادام پاپيللوماۆيرۋسىنا قارسى ۆاكتسيناتسيالاۋ بولىپ قالا بەرەدى», دەلىنگەن سانيتاريالىق-ەپيدەميولوگيالىق باقىلاۋ كوميتەتىنىڭ حابارلاماسىندا.
ايتا كەتەيىك, 11-13 جاس ارالىعىنداعى قىزداردى جوسپارلى يممۋنداۋ اياسىندا ۆاكتسيناتسيالاۋدىڭ ءبىرىنشى كەزەڭىنەن - 148 444, ەكىنشى كەزەڭنەن - 86 745 قىز ءوتتى.