2025 جىلدىڭ ناۋرىز–ماۋسىم ايلارى ارالىعىندا ەلىمىزدىڭ 20 وڭىرىندە تەحنيكالىق جانە كاسىپتىك ءبىلىم بەرۋ ۇيىمدارىنىڭ قاتىسۋىمەن WorldSkills-2025 وڭىرلىك چەمپيوناتتارى ءوتتى, دەپ جازادى Egemen.kz.
جۇمىسشى ماماندىقتارىن ناسيحاتتايتىن اۋقىمدى شاراعا 5044 ستۋدەنت قاتىسقان. 600-گە جۋىق كوللەدج بازاسىندا ۇيىمداستىرىلعان چەمپيوناتتا 5759 كاسىبي ساراپشى باعالاۋ مىندەتىن اتقاردى.
جالپى العاندا 900-دەن استام قۇزىرەتتىلىك قامتىلدى. ەڭ كوپ قۇزىرەتتىلىك ۇسىنىلعان وڭىرلەر قاتارىندا اقتوبە (77), اقمولا (62), باتىس قازاقستان (60) جانە قوستاناي (59) وبلىستارى بار.
جۇمىسشى ماماندىقتارىنىڭ بەدەلىن بيىكتەتۋگە باعىتتالعان چەمپيوناتتار اياسىندا كوللەدجدەر مەن جۇمىس بەرۋشىلەر اراسىنداعى بايلانىس نىعايا تۇسكەن.
شارانىڭ ۇزدىك قاتىسۋشىلارى ديپلومدار, مەدالدار مەن ارنايى سىيلىقتارمەن ماراپاتتالعان.
ايتا كەتەيىك, وڭىرلىك چەمپيوناتتا ۇزدىك تانىلعان ستۋدەنتتەر بيىلعى جىلدىڭ جەلتوقسان ايىندا استانا قالاسىندا وتەتىن رەسپۋبليكالىق چەمپيوناتقا جولداما يەلەندى.