قازاقستاندا تاماق ونىمدەرىنىڭ ءوندىرىسى ارتتى

ماسەلەن, سيىر ەتى ءوندىرىسى 133,6 مىڭ توننانى قۇراپ, 2024 جىلدىڭ وسى كەزەڭىمەن سالىستىرعاندا 0,4%-عا ارتقان. قۇس ەتى ءوندىرىسى 6,1%-عا ءوسىپ, 157,7 مىڭ تونناعا جەتكەن.ءسۇت وڭدەۋ سالاسىندا دا ءوسىم بايقالىپ وتىر. ءسۇت ءوندىرىسى 3,9%-عا ارتىپ, 273,5 مىڭ توننانى, ايران – 5,4%-عا ءوسىپ, 37,1 مىڭ توننانى, سارى ماي – 12,7%-عا كوبەيىپ, 15 مىڭ توننانى قۇرادى. تاۋىق جۇمىرتقاسى 1,79 ملرد دانا كولەمىندە وندىرىلگەن, بۇل وتكەن جىلمەن سالىستىرعاندا 0,3%-عا كوپ.ءداندى جانە مايلى داقىلدار ونىمدەرى سەگمەنتىندە دە ايتارلىقتاي ءوسىم تىركەلگەن. بيداي ۇنى ءوندىرىسى 6,5%-عا ارتىپ, 1438,3 مىڭ توننانى, قاراقۇمىق جارماسى – 19,4%-عا (10,7 مىڭ توننا), ماكارون ونىمدەرى – 7,8%-عا (63,7 مىڭ توننا) جەتكەن.كۇنباعىس مايى ءوندىرىسى 21,7%-عا ءوسىپ, 334,5 مىڭ توننانى, كۇرىش ءوندىرىسى 21%-عا ارتىپ, 84,5 مىڭ توننا بولعان.قانت ءوندىرىسى  ەلەۋلى  دەڭگەيدە 10 ەسە ارتىپ, وتكەن جىلعى 6,1 مىڭ توننادان 64 مىڭ تونناعا دەيىن وسكەن. تۇز ءوندىرىسى 6,1%-عا ارتىپ 169,3 مىڭ توننانى قۇراعان.مينيسترلىك بۇل كورسەتكىشتەر ەلدەگى ازىق-ت ۇلىك قاۋىپسىزدىگىن نىعايتىپ, ەكسپورتتىق الەۋەتتى كەڭەيتۋگە جانە ىشكى اگروونەركاسىپتىك ءوندىرىستى دامىتۋعا ىقپال ەتىپ جاتقانىن اتاپ ءوتتى.