ءماجىلىس دەپۋتاتى قازىبەك يسا قوستاناي وبلىسىنا جۇمىس ساپارىمەن بارىپ, بىرقاتار ەلدى مەكەن تۇرعىندارىمەن كەزدەستى, دەپ حابارلايدى Egemen.ءkz ماجىلىستىڭ ءباسپاسوز قىزمەتىنە سىلتەمە جاساپ.
ساپار بارىسىندا ول جەرگىلىكتى حالىقتىڭ الەۋمەتتىك-تۇرمىستىق جاعدايىمەن تانىسىپ, وزەكتى ماسەلەلەرىن تىڭدادى.
قازىبەك يسا ءبىرتۋار تۇلعا, الاش قوزعالىسى جەتەكشىلەرىنىڭ ءبىرى, اقىن-اعارتۋشى مىرجاقىپ دۋلات ۇلىنىڭ 140 جىلدىعىنا بايلانىستى الدىمەن جانگەلدى اۋدانى بيدايىق اۋىلىنا بارىپ, ۇلت كوسەمى كەسەنەسىنە باردى. بۇدان سوڭ قازىرگى ۋاقىتتا بوي كوتەرىپ جاتقان مۇراجاي قۇرىلىسىمەن تانىستى. بۇل نىسان ۇلت قايراتكەرىنىڭ ءومىرى مەن ەڭبەگىنە ارنالعان تاريحي-مادەني ورتالىققا اينالماق.
ساپار بارىسىندا ءماجىلىس دەپۋتاتى بيدايىق اۋىلىنىڭ تۇرعىندارىمەن كەزدەستى. اۋىل تۇرعىندارى كوتەرمە جولداردىڭ ساپاسى, ىشكى كوشەلەرگە اسفالت توسەۋ, ينتەرنەت پەن ۇيالى بايلانىستىڭ السىزدىگى سەكىلدى ماسەلەلەردى كوتەردى.
«كوتەرىلگەن بارلىق ماسەلە ءبىزدىڭ ءجىتى نازارىمىزدا. بۇل تۇرعىنداردىڭ تۇرمىس ساپاسىنا تىكەلەي اسەر ەتەتىن ماڭىزدى تۇيتكىلدەر بولعاندىقتان, ءتيىستى مەملەكەتتىك ورگاندارعا جولدانىپ, ءوز دەڭگەيىندە شەشىمىن تابۋى ءۇشىن باقىلاۋعا الىنادى», دەدى قازىبەك يسا.
ودان ءارى دەپۋتات اقكول اۋىلىنا ارنايى بارىپ, اۋىل مۇراجايىنىڭ جۇمىسىمەن تانىسىپ, جەرگىلىكتى تۇرعىندارمەن كەزدەستى. جيىندا اۋىلىشىلىك جولداردىڭ جاي-كۇيى, بايلانىس جەلىسىنىڭ السىزدىگى, الەۋمەتتىك نىسانداردىڭ جاعدايى ءسوز بولدى.
سونىمەن قاتار قازىبەك يسا امانگەلدى اۋدانىنا بارىپ, ۇلى دالا تۇلعالارى كەشەنىندە اۋداننىڭ ارداگەرلەرىمەن كەزدەستى. ولاردىڭ ۇسىنىس-تىلەكتەرىنىڭ پارلامەنتتە قوزعالاتىنىن جەتكىزدى.
جۇمىس ساپارىنىڭ سوڭىندا قازىبەك يسا قوستاناي قالاسىنداعى «قوستاناي تاڭى» گازەتىنىڭ رەداكتسياسىنا بارىپ, شىعارماشىلىق ۇجىممەن جانە وڭىرگە بەلگىلى قالامگەر-جۋرناليستەرمەن جۇزدەستى. دەپۋتات باق-تىڭ قوعامداعى ورنى مەن ەلدىك مۇددەنى قورعاۋداعى رولىنە توقتالىپ, اقپارات سالاسىندا ەڭبەك ەتىپ جۇرگەن ماماندارعا تابىس تىلەدى.
دەپۋتات ساپار بارىسىندا ايتىلعان ماسەلەلەردى ءماجىلىس قابىرعاسىندا كوتەرىپ, قۇزىرلى ورگانداردىڭ قاراۋىنا ۇسىناتىنىن جەتكىزدى.