الماتى قالاسىندا 18 ماۋسىم كۇنى كەشكى ساعات 20:15 شاماسىندا قورعالجىن تاس جولىندا جول-كولىك وقيعاسى ورىن الدى, دەپ حابارلايدى Egemen.kz.
قالالىق پوليتسيا دەپارتامەنتىنىڭ حابارلاۋىنشا, Audi ماركالى اۆتوكولىكتىڭ جۇرگىزۋشىسى سولتۇستىك باعىتتا قوزعالىپ كەلە جاتىپ, كولىك تىزگىنىنە يە بولا الماي, جول جيەگىندەگى مەتالل قورشاۋعا سوعىلعان.
«اپات سالدارىنان كولىكتەگى ءبىر جولاۋشى وقيعا ورنىندا قازا تاپتى. جۇرگىزۋشى مەن تاعى ەكى جولاۋشى ءتۇرلى جاراقاتتارمەن اۋرۋحاناعا جەتكىزىلدى», دەلىنگەن حابارلامادا.
اتالعان جول-كولىك وقيعاسى بويىنشا قىلمىستىق ءىس قوزعالىپ, تەرگەۋ امالدارى جۇرگىزىلىپ جاتىر.