مەملەكەت باسشىسى قاسىم-جومارت توقاەۆ قايرات سادىقوۆتى قورعانىس ءمينيسترىنىڭ ورىنباسارى, قارۋلى كۇشتەر اۋە قورعانىسى كۇشتەرىنىڭ باس قولباسشىسى ەتىپ تاعايىندادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسىنىڭ وكىمىمەن قايرات انۋاربەك ۇلى سادىقوۆ قازاقستان رەسپۋبليكاسى قورعانىس ءمينيسترىنىڭ ورىنباسارى – قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرىنىڭ جوعارعى باس قولباسشىسى لاۋازىمىنا تاعايىندالدى.
وسى تاعايىنداۋعا دەيىن قايرات سادىقوۆ قازاقستان قارۋلى كۇشتەرى اۋە قورعانىسى كۇشتەرى باس قولباسشىسىنىڭ ءبىرىنشى ورىنباسارى – باس قولباسشى شتابىنىڭ باستىعى قىزمەتىن اتقاردى.
ەسكە سالايىق, 8 ماۋسىمدا ەل پرەزيدەنتىنىڭ جارلىعىمەن رۋسلان جاقسىلىقوۆ قر قورعانىس ءمينيسترى قىزمەتىنەن بوساتىلعان بولاتىن. قورعانىس باسقارماسىنىڭ جاڭا باسشىسى بولىپ داۋرەن قوسانوۆ تاعايىندالعان ەدى.