دەمالىستىڭ بەرەرى كوپ

بيىلعى جازعى دەمالىستا وتىرار اۋدانىنىڭ ءبىلىم بولىمىنە قاراستى بالالاردىڭ جازعى ساۋىقتىرۋ دەمالىس لاگەرىنە 31 جالپى ءبىلىم بەرەتىن مەكتەپتەن 1 050 بالا­نى جىبەرۋ جوسپارلانىپ وتىر. ءار اۋىسىمدا 150 بالادان دەمالىپ, لاگەر 7 اۋىسىم بويىنشا جۇمىس ىستەيدى. ال «ماشات-اراسان» لاگەرىندە بيىل سوزاق اۋدانىنان 450 بالا تىنىعادى. دەمالىس اي­ماقتارىندا قاۋىپسىزدىك شارالارى كۇشەيتىلگەن, ياعني بەي­نە­­باقىلاۋ كامەرالارى ورناتىلىپ, كاسىبي كۇزەت قىزمەتى جۇمىس ىستەيدى. جاۋاپتى ماماندار لاگەرگە كەلگەن ءاربىر وقۋشىنى ادامگەرشىلىككە, ۇيىمشىلدىققا تاربيە­لەپ, قاۋىپسىزدىك ەرەجەلەرىن ۇيرەتە وتىرىپ, سالاماتتى ءومىر سالتىن قالىپتاستىرۋ, رۋحاني جانە مادەني بىلىمدە­رىن جەتىلدىرۋ, سالت-ءداستۇرىن دامىتۋ, وتانسۇيگىشتىك, پاتريوتتىق سەزىمدەرىن ارتتىرۋعا باۋليتىنىن ايتادى. ول ءۇشىن لاگەردە تاربيەشى, پسيحولوگ, مەدبيكە جانە ءپان مۇعالىمدەرى جۇمىس اتقارادى. لاگەردىڭ تاربيەلەنۋشىلەرىنە ەمدەۋ-پروفيلاكتيكالىق, ساۋىقتىرۋ ءىس-شارالارىن جۇرگىزۋ ماق­سا­تىندا اس ءمازىرى مەن دايىنداۋ ساپاسى قاتاڭ تەكسەرىلەتىن بولادى. وقۋشىلار 5 مەزگىل تاماق­پەن قامتاماسىز ەتىلەدى. جالپى, وقۋشىلاردىڭ جاز­عى دە­ما­لىسىن ءتيىمدى ءارى ما­­عى­­­­­­نالى وتكىزۋىنە بار­لىق­­ جاع­­داي جاسالعان.

ال ماقتا­ارال اۋدانىندا «بالا­لار مەن جاسوسپىرىمدەر شىعارماشىلىق ورتالىعى» جانىنداعى جازعى ساۋىقتىرۋ لاگەرى كۇردەلى جوندەۋدەن ءوتىپ, پايدالانۋعا بەرىلدى. عيماراتتىڭ شاتىرى, ەدەنى, تەرەزەلەرى مەن ەسىكتەرى تولىق اۋىستىرىلىپ, قازىرگى زامان تالا­بىنا ساي جاڭعىرتىلعان. اسحا­­­­نا­­سى سىرلانىپ, سانيتار­لىق-گيگيەنالىق تا­لاپ­قا ساي­كەس­تەندىرىلدى. بالا­لار­دىڭ جا­ي­­لىلىعى ءۇشىن جاڭا جۋى­نۋ بول­مە­لەرى ورناتىلدى. جازعى ماۋ­سىمدا بۇل لاگەر 8 اۋىسىم بو­يىنشا 1 500-گە جۋىق بالانى قابىلداپ, ارقاي­سى­سىنا 10 كۇندىك دەمالىس ۇيىم­داس­­تىرادى. لاگەردە بالالار ءۇشىن مادەني-سپورتتىق شارا­لار,­ شىعارماشىلىق ۇيىر­مە­لەر, ينتەللەكتۋالدىق ويىندار, ەكو­لوگيالىق جانە تار­بيە سا­عا­­ت­­­تارى وتكىزۋ جوسپار­لانعان.

تۇركىستان وبلىسى