رەسەي فەدەراتسياسى اۋماعىندا كريمينالدىق پوليتسيا قىزمەتكەرلەرى جۇرگىزگەن جەدەل-ىزدەستىرۋ ءىس-شارالارىنىڭ ناتيجەسىندە 2012 جىلدان بەرى حالىقارالىق ىزدەۋدە جۇرگەن وزبەكستان رەسپۋبليكاسىنىڭ ازاماتى ۇستالدى, دەپ جازادى Egemen.kz.
كۇدىكتى 13 جىل بۇرىن جالعان قۇجاتتى پايدالانىپ قازاقستانداعى بانكتەردىڭ بىرىندەگى جيناق شوتتارىنان ءىرى كولەمدە اقشانى زاڭسىز جولمەن العان. قىلمىستى جاساعاننان كەيىن كۇدىكتى قازاقستان رەسپۋبليكاسىنىڭ شەكاراسىنان ءوتىپ كەتكەندىكتەن, وعان حالىقارالىق ىزدەۋ جاريالانعان بولاتىن.
قازاقستان رەسپۋبليكاسى ىشكى ىستەر مينيسترلىگىنىڭ سۇرانىسى بويىنشا رەسەيلىك تاراپ كۇدىكتىنى قازاقستان اۋماعىنا ەكستراديتسيالاۋ تۋرالى شەشىم قابىلدادى. قازىرگى ۋاقىتتا ونىمەن قۇقىق قورعاۋ ورگاندارىنىڭ قىزمەتكەرلەرى جۇمىس جۇرگىزىپ جاتىر.