وسى جىلعى 10 ءساۋىر مەن 6 مامىر ارالىعىندا وتكىزىلگەن ء«جاسوسپىرىم» جەدەل-پروفيلاكتيكالىق ءىس-شاراسىندا بارلىعى 1231 اكىمشىلىك قۇقىق بۇزۋشىلىق انىقتالىپ, حاتتاما راسىمدەلگەن, دەپ حابارلايدى Egemen.kz.
جەرگىلىكتى پوليتسيا قىزمەتى باسقارماسى باستىعىنىڭ ورىنباسارى راۋان الدەشوۆتىڭ ايتۋىنشا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 127-بابى بويىنشا 117 اتا-اناعا اكىمشىلىك حاتتاما تولتىرىلىپتى.
ءىس-شارا اياسىندا كامەلەتتىك جاسقا تولماعانداردى تاربيەلەۋ, وقىتۋ جانە باعىپ-كۇتۋ جونىندەگى وزدەرىنىڭ مىندەتتەرىن ورىندامايتىن, ولاردىڭ مىنەز-قۇلقىنا تەرىس اسەر ەتەتىن 33 اتا-انا دا پروفيلاكتيكالىق ەسەپكە الىنعان.
پوليتسەيلەر كامەلەتتىڭ جاسقا تولماعاندار مەن ولارعا قارسى جاسالاتىن قىلمىستاردىڭ الدىن الۋ ماقساتىندا پروفيلاكتيكالىق جۇمىستار جالعاسىن تاباتىنىن ايتادى.