سۋ رەسۋرستارى جانە يرريگاتسيا مينيسترلىگى «قازسۋشار» رمك-نى بارلىعى 757 بىرلىك تەحنيكامەن جابدىقتاۋدى كوزدەپ وتىر. بۇل جۇمىس بەس كەزەڭ بويىنشا جۇزەگە اسىرىلادى, دەپ حابارلايدى Egemen.kz.
بۇگىنگى تاڭدا العاشقى ءتورت كەزەڭ اياسىندا 636 تەحنيكا جەتكىزۋ جونىندە كەلىسىمشارتتار جاسالدى.
اتالعان كەلىسىمدەرگە سايكەس, تەحنيكالار ەلىمىزدىڭ 14 وبلىسىنداعى «قازسۋشار» كاسىپورنىنىڭ 17 فيليالىنا جەتكىزىلمەك. ال سوڭعى, بەسىنشى كەزەڭگە قاتىستى كونكۋرس راسىمدەرى ءالى وتكىزىلىپ جاتىر.
سۋ رەسۋرستارى جانە يرريگاتسيا ۆيتسە-ءمينيسترى ەربولات يبرايحانوۆتىڭ ايتۋىنشا, فيليالداردى جاڭا تەحنيكالارمەن قامتۋ سۋ شارۋاشىلىعى نىساندارىن تازالاۋ مەن گيدروتەحنيكالىق قۇرىلىستاردى قايتا قالپىنا كەلتىرۋ جۇمىستارىن جەدەلدەتۋگە سەپ بولادى. سونىمەن بىرگە, بۇل سۋ تاسقىنىنىڭ الدىن الۋ شارالارىنىڭ تيىمدىلىگىن ارتتىرا تۇسەدى.