ءبىرتۋار كۇيشى ەسىمى ارداقتالدى

الماتى جانە تۇر­كىس­تان ­وبلىستارى اكىمدىكتەرى­نىڭ قولداۋىمەن وتكەن كەشكە ەلىمىزدىڭ بەلگىلى ونەر مايتالماندارى – مەملەكەتتىك سىيلىقتىڭ لاۋرەا­تى, كۇيشى-كومپوزيتور سەكەن تۇرىس­بەك, رەسپۋبليكالىق كونكۋرس­تاردىڭ جۇلدەگەرى ايعا­نىم شۇعاي, مادەنيەت سالا­سىنىڭ ۇزدىگى بيبىگۇل قيلىم­حان قاتىستى. ءسۇيىنباي اتىنداعى الماتى وبلىستىق فيلارمونياسىنىڭ «اقجاۋىن» كامەرالىق وركەسترى مەن «التىناي» مەملەكەتتىك حالىق بي ءانسامبلى ونەر كورسەتتى. كەش بارىسىندا قازاق مۋزىكاسىنىڭ التىن قورىنا ەنگەن جاۋھار تۋىندىلار ورىندالىپ, كورەرمەننىڭ ىستىق ىقىلاسىنا بولەندى.

سونداي-اق نۇرعيسا تىلەنديەۆتىڭ ­100 جىلدىعىنا وراي سارىاعاش اۋدا­نىندا «سايالى سارىاعاش» ەتنو-فول­كلورلىق ءانسامبلىنىڭ «تۇران رۋحى» اتتى شىعار­ما­شىلىق كەشى ءوتتى. حالىق­ارالىق ۇلكەن ساحنالاردا ونەر كورسەتكەن «سايالى سارىاعاش» ۇجىمى 1996 جىلى مادەنيەت مايتالمانى, ۇلتتىق ونەردىڭ جاناشىرى ءابلازىم جانشۋاقوۆتىڭ باس­تاماسىمەن قۇرىلعان بولاتىن. بۇگىندە ەلىمىزدىڭ مادەني ومىرىندەگى ايتۋلى ونەر ۇجىمدارىنىڭ بىرىنە اينالعان ۇلت-اسپاپتار ءانسامبلى 2000 جىلى نۇرعيسا تىلەنديەۆتىڭ شىعارمالارىن ورىنداۋشىلارعا ارنالعان وبلىستىق «اققۋ» بايقاۋىندا جۇلدەلى ءى ورىندى يەلەنگەنى ونەرسۇيەر قاۋىمنىڭ ەسىندە. ءانسامبلدىڭ باستى ەرەكشەلىگى – ۇجىم قۇرامىنداعى التى ونەرپاز ءبىر عانا شىعارمانىڭ وزىندە ارقايسىسى ءبىر ۋاقىتتا بىرنەشە اسپاپتىڭ قۇلاعىندا ەركىن وينايدى. دومبىرا, قوبىز, شەرتەردەن باستاپ 15-كە جۋىق ۇلتتىق اسپاپ ءتۇرى بار. رەپەرتۋارىنداعى 40-تان استام تۋىندىنىڭ قاتارىندا حالىق اندەرى مەن كۇيلەرى, قۇرمانعازى, داۋلەتكەرەي, شەرنياز, نۇرعيسا تىلەنديەۆتىڭ كۇيلەرى, سونداي-اق ءشامشى قالداياقوۆ, اسەت بەيسەۋوۆ سىندى كومپوزيتورلاردىڭ اندەرى مەن شىعارمالارى ورىندالىپ ءجۇر. انسامبلگە 2008 جىلى مادەنيەت جانە اقپارات مينيسترلىگىنىڭ بۇيرىعىمەن «حالىقتىق» اتاعى بەرىلدى. ال 2011 جىلدان باستاپ انسامبل زامان تالابىنا ساي قايتا قۇرىلىپ, ەتنو-فولكلورلىق باعىتقا بەت بۇردى. ۇجىم ۇلتتىق ونەردى حالىق اراسىندا كەڭىنەن ناسيحاتتاپ, ءداستۇرلى ونەردىڭ دامۋىنا وزىندىك ۇلەسىن قوسىپ كەلەدى.

شىعارماشىلىق كەش كورەرمەندەردى ەرەكشە سەزىمگە بولەپ, كوتەرىڭكى كوڭىل كۇي سىيلادى.

تۇركىستان وبلىسى