تۇركىستان وبلىسى جەتىساي اۋدانىندا اۋىل تۇرعىندارىنىڭ تابىسىن ارتتىرىپ, ازىق-ت ۇلىك قاۋىپسىزدىگىن قامتاماسىز ەتۋ ماقساتىنداعى جوبالاردىڭ ءساتتى جۇزەگە اسىرىلۋى ناتيجەسىندە ءبىر القاپتان 2-3 ءونىم الۋ جۇمىستارى قارقىندى جۇرگىزىلىپ كەلەدى, دەپ جازادى Egemen.kz.
ج.ەراليەۆ اۋىلدىق وكرۋگىندە ورنالاسقان «بۋليش اتا» شارۋا قوجالىعى توراعاسى باحادۋر بۋليشەۆ يەلىگىندەگى 0,14 گەكتار جەرىنە قىزاناقتىڭ ەرتە پىسەتىن گوللانديالىق سورتىن ەگىپ, تامشىلاتىپ سۋعارۋ ءادىسىن قولدانۋ ناتيجەسىندە 14 تونناعا دەيىن ءونىم الۋدى جوسپارلاپ وتىر. ءبىرىنشى ونىمگە قىستا ەككەن 300 مىڭ ءتۇپ بايالدى كوشەتىن ءوندىرىپ ساتقان.
«بۇعان دەيىن تەك كوشەت وندىرۋمەن عانا اينالىسىپ, جىلىجايدى ءتيىمدى پايدالانا الماعان ەكەنمىن. قازىر جىلىنا 2 ءونىم الۋدى قولعا الدىم. قىسىمەن كوشەت باپتاپ, ەرتە كوكتەمدە ساتامىن. كەيىن قيار, قىزاناق, بولگار بۇرىشى نەمەسە باكلاجان ەگەمىن. وسىلايشا وتباسىلىق ءىسىمىزدى دوڭگەلەتىپ, تابىس تاۋىپ وتىرمىز» دەيدى باحادۋر بۋليشەۆ.
ءبىر جەردەن جىلىنا 2 رەت ءونىم جيناپ, 10 ملن تەڭگە تازا تابىس تاۋىپ وتىرعان قوجالىق 2023 جىلى «اۋىل اماناتى» جوباسى اياسىندا مەملەكەتتەن جەڭىلدەتىلگەن 2,5 پايىزبەن 5,7 ملن تەڭگە نەسيە الىپ, جىلىجاي سالعان.