ىشكى كوشى-قون قولداۋدان كەندە بولمايدى

بيىل قونىس اۋدارۋعا رەسپۋبليكا كولەمىندە 7 344 كۆوتا ءبولىنىپ, مەم­لەكەتتىك قولداۋ كورسەتەتىن 8 وبلىس – اباي, اقمولا, قاراعاندى, قوستاناي, پاۆلودار, سولتۇستىك قازاقستان, ۇلىتاۋ, شىعىس قازاقستان وبلىستارى بەلگىلەندى. وسى ورايدا جۋىردا ەلىمىزدىڭ جۇمىس كۇشى تاپشى 7 وبلىسىنان كەلگەن وكىلدەر تۇركىستان وبلىسىنىڭ بىرقاتار اۋدانىندا حالىقپەن كەزدەسىپ, جارمەڭكەلەر ۇيىمداستىرىلدى.

ءوڭىر حالقىنا 10 مىڭنان اسا, ناقتىراق ايتساق, سولتۇستىك قازاقستان وبلىسى – 2 959, شىعىس قازاقستان – 2 671, پاۆلودار – 2 424, قوستاناي – 823, قاراعاندى – 1 342, ۇلىتاۋ – 145, اباي وبلىسى 104 بوس جۇمىس ورنىن ۇسىندى.

ەڭبەك جانە حالىقتى الەۋ­مەت­تىك قورعاۋ ۆيتسە-ءمينيسترى اسقاربەك ەرتاەۆ تۇركىستان وبلىسىنا جۇمىس ساپارى بارىسىندا قونىس اۋدارۋ جونىندەگى وڭىرارالىق جارمەڭكەگە بارىپ, جەر­­گى­لىك­تى اتقارۋشى ورگانداردىڭ باسشىلارىمەن كەزدەسۋ وتكىزدى.

«قونىس اۋدارۋشىلارعا اۋىل شارۋا­شىلىعى ماقسا­تىنداعى جەر ۋچاس­كە­لەرىن 5 جىل مەرزىمگە ۋاقىتشا پاي­دالانۋعا الۋدا جەڭىلدىكتى جاعداي­لار جاسالدى. قونىس اۋدارۋشىلارعا تولە­نەتىن سۋبسيديالار بانكتەر مەن باسقا قارجى ۇيىمدارى الدىن­دا­عى نە­سيەلىك مىندەتتەمەلەر بويىنشا ءوندىرىپ الۋدان قورعالعان. قان­داستاردى نەمەسە قونىس اۋدارۋ­شىلاردى قابىلداۋدىڭ وڭىر­لىك كۆوتاسىنا ەنگىزۋ, ەرىكتى قونىس اۋدارۋشىلارعا مەملە­كەت­تىك قولداۋ شارالارىن كور­سەتۋ جونىندەگى مەملەكەتتىك قىز­مەت­تەر­دىڭ ەلەكتروندىق فورماتىنا كوشۋ جۇزەگە اسىرىلدى», دەدى ۆيتسە-مينيستر.

سونداي-اق ا.ەرتاەۆ ەڭبەك موبيلدى­لىگى ورتالىقتارىنا كوشۋ­گە نيەت بىلدىر­گەن ازا­مات­تارعا كەڭەس, ءوتىنىش بەرۋگە جاردەمدەسۋ جونىن­دەگى جۇ­­مىس­تى جانداندىرۋدى ۇسىندى.

«وتكەن جىلدىڭ ورتاسىنان باستاپ بارلىق قو­نىس اۋدارۋ­شى­لارعا FSM Social ءموبيلدى قوسىم­شا­سىن ەنگىزۋ ارقىلى جەرگى­لىك­تى قوعامداستىققا بەيىم­دە­لۋ جانە ينتەگراتسيالاۋ قىز­مەتتەرىنىڭ كەڭ سپەكترى قولجەتىمدى بولدى. وسى كە­زەڭدە 20,7 مىڭ ادام بەيىمدەۋ جانە ين­تەگرا­تسيالىق قىزمەت­تەرمەن قام­تىلدى, – دەدى ۆيتسە-مينيستر. – «قونىس اۋدا­رۋ كار­­تاسى» قانداستار مەن قو­نىس اۋدارۋ­شىلارعا ونلاين رەجىمدە قونىس­­تانۋ ايما­عىمەن, سونىمەن بىرگە ەڭبەك نارى­­­عىن­داعى اعىمداعى بوس جۇمىس ورىن­­­دارىمەن, تۇر­عىن ءۇيدىڭ, قولدا­نىستاعى ينفرا­قۇرىلىمنىڭ بولۋىمەن تانىسۋعا مۇمكىندىك بەرەدى».

پاۆلودار وبلىسى ەڭبەك موبيل­دىلىگى ورتالىعىنىڭ ديرەكتورى مەرۋەرت ەسەمباە­ۆانىڭ ايتۋىنشا, بيىل وب­لىس­قا قونىس اۋدارۋعا 3 354 كۆوتا ءبو­لىنىپ وتىر. وتكەن جىلى حالقى تىعىز ور­نا­لاس­قان وڭىرلەردەن 2 170 ادام قونىس اۋدارعان. ونىڭ ىشىندە, تۇركىستان وبلىسى­نان 807 ادام بار­عان. شىعىس قازاقستان وبلىسى, مارقاكول اۋدانىنىڭ اكىمى رۇستەمبەك كەمەشەۆ 2025 جىلعا 269 قانداس پەن 372 قونىس اۋدارۋشى كوشىپ كەلەدى دەپ جوسپارلانعانىن ايتتى. جالپى, 2024 جىلى شىعىس قازاقستان وبلىسىنا 781 ادام قونىس اۋدارعان. سولتۇستىك قازاقستان وبلىسى, ماعجان جۇما­باەۆ اۋدانىنا قاراستى «پيسارەۆكا ورتا مەكتەبى» كمم-ءنىڭ ديرەكتورى نۇرجامال تامبەتوۆا­نىڭ ايتۋىنشا, وتكەن جىلى تۇركىستان وبلىسىنان 197 ادام كوشىپ كەلگەن. بۇگىندە سولتۇستىك وڭىرىندە 1 643 – ونىڭ ىشىندە, مەديتسينا, فار­ماتسەۆ­تيكا, ءبىلىم بەرۋ, اۋىل شارۋاشىلىعى, ەنەرگەتيكا, قۇرىلىس, كولىك جانە لوگيستيكا سالاسى, ساۋدا سالاسىندا بوس جۇمىس ورنى بار.

جارمەڭكەگە كەلۋشىلەرگە باعدار­لاما جونىندەگى قولداۋ­لار جان-جاقتى ءتۇسىن­دى­رىلدى. مىسالى, باعدارلاما اياسىندا قا­تىسۋ­شىلارعا, ولار­دىڭ وتبا­سى مۇشە­لەرىنە ءبىر رەت 70 اەك (275 240 تەڭگە) مولشەرىندە كومەك بەرىلەدى. سونىمەن قاتار 12 اي بويى جالدامالى باسپانا مەن كوم­مۋنالدىق تولەم­­دەر­گە ار­نال­عان جاردەماقى, جۇمىس­پەن قامتۋ, اۋىل شارۋا­­شىلى­عىنا جەر ءبولۋ, جەكە كاسىپ اشۋ مۇمكىندىگى قاراس­­­­تىرىل­عان.

جۇمىس كۇشىنىڭ موبيلدى­لىگىن ارتتىرۋ ءۇشىن ەرىكتى تۇردە قونىس اۋدارۋعا جار­دەم­­دەسۋ ماقسا­تىندا وتكەن «قونىس اۋدارۋ» جار­مەڭكەلە­رىندە سولتۇستىك وڭىر­لەرگە كو­شۋگە نيەت بىلدىر­­گەن­دەر دە بارشىلىق. مىسالى, تۇر­كىستاندا وتكەن جارمەڭكە ناتي­جەسىندە 128 تۇرعىن كوشۋ­گە نيەت ءبىلدىردى. سايرام اۋدانىنان 50-دەن استام, جەتىساي اۋدا­نىنان 38, ماقتاارالدان 35 ازامات قونىس اۋدا­­­­راتىن بولدى. ماقتاارال اۋدا­نى­­نان 2018–2024 جىلدار ارا­لى­عىندا 144 وتباسى ءوز ەركى­مەن قونىس اۋدارعان ەكەن. ايتا كەتەيىك, ەلىمىزدىڭ جۇ­مىس كۇشى جەتىسپەيتىن سولتۇس­تىك وڭىرلەرىنە حالىقتى قونىس­تاندىرۋعا باعىت­تالعان جۇ­مىستار وبلىستا 2015 جىلدان بەرى جۇرگىزىلىپ كەلەدى.

تۇركىستان وبلىسى