مەملەكەت باسشىسىنىڭ تاپسىرماسىنا سايكەس, مەكتەپ اسحانالارىندا بالالاردىڭ توپتىق ۋلانۋ جاعدايلارىن بولدىرماۋ ماقساتىندا دەنساۋلىق ساقتاۋ مينيسترلىگى مەن باس پروكۋراتۋرانىڭ بىرلەسۋىمەن ماڭعىستاۋ وبلىسىنىڭ ءبىلىم بەرۋ مەكەمەلەرىندە سانيتاريالىق-ەپيدەميولوگيالىق تالاپتاردىڭ ساقتالۋىنا جوسپاردان تىس تەكسەرۋ جۇرگىزىلىپ جاتىر, دەپ حابارلايدى Egemen.kz.
ءوڭىر بويىنشا تەكسەرۋگە 72 نىسان ىرىكتەلىپ الىنىپ, قازىرگى ۋاقىتتا ونىڭ 14-ءى – مەكتەپتەردىڭ اس بلوگى قامتىلعان.
وقۋ-اعارتۋ جانە دەنساۋلىق ساقتاۋ مينيسترلىكتەرى, باس پروكۋراتۋرا جانە باسقا دا مۇددەلى ورگانداردىڭ وكىلدەرىنەن تۇراتىن ۆەدومستۆوارالىق جۇمىس توبى قۇرىلعان. بۇل توپ مەكتەپتەگى تاماقتانۋ قاۋىپسىزدىگىن قامتاماسىز ەتۋ جانە ۋلانۋ جاعدايلارىن تەرگەپ-تەكسەرۋ ماقساتىندا جۇمىس اتقارىپ جاتىر.
دەنساۋلىق ساقتاۋ مينيسترلىگىنەن جۇمىس توبىنا اقتوبە, جامبىل, قوستاناي وبلىستارى مەن الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتتەرىنىڭ ماماندارى, سونداي-اق قر دسم «قوعامدىق دەنساۋلىق ساقتاۋ ۇلتتىق ورتالىعى» سانيتاريالىق-ەپيدەميولوگيالىق ساراپتاما جانە مونيتورينگ عىلىمي-پراكتيكالىق ورتالىعىنىڭ ساراپشىلارى ەنگىزىلگەن.
ەستەرىڭىزگە سالا كەتەيىك, جۋىردا ماڭعىستاۋ وبلىسى, بەينەۋ اۋدانىنداعى ماناش جالپى ءبىلىم بەرەتىن مەكتەبىندە 12 وقۋشى تاماقتان سوڭ ينفەكتسيالىق اۋرۋ بەلگىلەرىمەن مەديتسينالىق كومەككە جۇگىنگەن بولاتىن. اتالعان فاكتى بويىنشا تەرگەپ-تەكسەرۋ باستالىپ, سانيتاريالىق-پروفيلاكتيكالىق ءىس-شارالار جۇرگىزىلۋدە. سونىمەن قاتار, جەرگىلىكتى اكىمدىك جانىنان ارنايى شتاب قۇرىلعان.