مەملەكەت باسشىسىنىڭ باستاماسىمەن وتكىزىلگەن ۇلتتىق قۇرىلتايدىڭ IV وتىرىسىندا ەل بولاشاعىنا باعىتتالعان ماڭىزدى تاپسىرمالار جۇكتەلگەنى ءمالىم, دەپ جازادى Egemen.kz.
سونداي تاپسىرمالاردى ىسكە اسىرۋ اياسىندا قر پرەزيدەنتىنىڭ كەڭەسشىسى مالىك وتارباەۆ ەلىمىزدىڭ قاۋىپسىزدىگى مەن تىنىشتىعىن قامتاماسىز ەتۋدە ەرەكشە ءرول اتقاراتىن ۇلتتىق ۇلاننىڭ تاراز قالاسىنداعى 5513 اسكەري ءبولىمىنىڭ جەكە قۇرامىمەن كەزدەسىپ, مازمۇندى اڭگىمە ءوربىتتى. جيىنعا جامبىل وبلىسىنىڭ بىرقاتار قوعام قايراتكەرى جانە مەملەكەتتىك ورگان وكىلدەرى قاتىستى.
ۇلتتىق ۇلاننىڭ ءباسپاسوز قىزمەتىنىڭ مالىمدەۋىنشە مالىك وتارباەۆ پرەزيدەنت تاپسىرمالارىن ورىنداۋ باعىتىندا جۇزەگە اسىرىلىپ جاتقان ءىس-شارالارعا توقتالىپ, ەل ىشىندەگى بىرلىك پەن تۇراقتىلىقتى ساقتاۋدا اسكەري قۇرىلىمداردىڭ اتقارىپ وتىرعان ماڭىزدى قىزمەتىن ەرەكشە اتاپ ءوتتى.
كەزدەسۋ اياسىندا اسكەري ءبولىمنىڭ جەكە قۇرامىمەن اشىق فورماتتا پىكىر الماسۋ بولدى.
جۇزدەسۋ سوڭىندا م.وتارباەۆ اسكەري قىزمەتكەرلەرگە ساتتىلىك تىلەپ, مەملەكەتتىڭ بولاشاعى جولىندا بىرلەسە ەڭبەك ەتۋگە شاقىردى.
ول ەل قورعانى سانالاتىن ۇلتتىق ۇلاننىڭ ەل بىرلىگى مەن تىنىشتىعىن ساقتاۋداعى رولىنە ايرىقشا توقتالىپ, قىزمەتتەرىنە العىس ءبىلدىردى.