ماڭعىستاۋ وبلىستىق سانيتارلىق ەپيدەميولوگيالىق باقىلاۋ دەپارتامەنتى ماماندارى جۇرگىزگەن تەكسەرۋ ناتيجەسىندە, اس دايىندايتىن قىزمەتكەرلەردىڭ بىرىنەن ستافيلوكوكك تابىلعان, دەپ حابارلايدى Egemen.kz اقپارات اگەنتتىگى.
ال تاعى ەكى جۇمىسشى مىندەتتى مەديتسينالىق تەكسەرۋدەن وتپەگەن بولىپ شىقتى.
- اس ۇيدەن الىنعان 9 سىنامادان ىشەك تاياقشاسى باكتەريالارى, دايىن تاعامداردىڭ 6 ۇلگىسىنەن زياندى ميكروورگانيزمدەر انىقتالدى. ال ءداندى داقىلدار كوكونىستەر قويماسىندا ساقتالعان. اسحانادا دىمقىل تازالاۋ جۇرگىزىلمەگەن, - دەيدى دەپارتامەنت باسشىسى مۇحتار سەرباەۆ.
ۆەدومستۆو باسشىسىنىڭ ايتۋىنشا, ساراپتاما قورىتىندىسى سوتقا دەيىنگى تەرگەۋ ءۇشىن پوليتسياعا بەرىلگەن. قازىر اسحانا جابىق. بىراق وقۋشىلار وقۋىن جالعاستىرىپ جاتىر.