تۇركىستان وبلىسى كولەمىندە وتكەن «AL-FARABI» ينتەللەكتۋالدى ويىنى ءوز مارەسىنە جەتتى. ءتورت كۇنگە سوزىلعان اۋقىمدى شارانىڭ شەشۋشى كەزەڭىندە «جاستار رۋحى» كومانداسى جەڭىسكە جەتىپ, 1 ملن تەڭگە ۇتىپ الدى, دەپ حابارلايدى Egemen.kz.
وبلىستىق قوعامدىق دامۋ باسقارماسىنىڭ «جاستار رەسۋرستىق ورتالىعى» كمم ۇيىمداستىرعان بايقاۋعا ءوڭىردىڭ اۋدان-قالالارىنان 200-گە جۋىق كوماندا قاتىستى. دارىندى جاستاردى قولداۋ, ولاردىڭ تانىمدىق قىزىعۋشىلىقتارىن ارتتىرۋ ارقىلى ءبىلىم دەڭگەيىن كوتەرۋ, سونىمەن قاتار ينتەللەكتۋالدى ورتا قالىپتاستىرا وتىرىپ, شەشەندىك ونەر مەن ازاماتتىق بەلسەندىلىكتى, قۇقىقتىق ساۋاتتىلىقتى ارتتىرۋ كوزدەلگەن سايىستىڭ ىرىكتەۋ كەزەڭىندە وزىپ شىققان 10 كوماندا فينالدا باق سىنادى. سايىستىڭ اقتىق كەزەڭىنە قاتىسقان وبلىس اكىمىنىڭ ورىنباسارى ەرتاي التاەۆ جىل سايىن ۇيىمداستىرىلاتىن ينتەللەكتۋالدى ويىننىڭ ماڭىزدىلىعىنا توقتالىپ, جەڭىمپازدار مەن جۇلدەگەرلەردى قۇتتىقتادى.
ناعىز ءبىلىمدى جاستاردىڭ باسىن قوسقان,تارتىسقا تولى ويىننىڭ ناتيجەسى بويىنشا 1-ورىندى «جاستار رۋحى» كومانداسى جەڭىپ الدى. ەكىنشى ورىنعا «سايرام» جانە «11 كوللەدج» كوماندالارى يە بولسا, 3-ورىندى «كونينا power» جانە «ۋران city» كوماندالارى ەنشىلەدى. I ورىن العان كومانداعا 1 000 000 تەڭگە, II ورىنعا العان ءار كومانداعا – 500 000, III ورىن يەگەرلەرىنە 300 000 تەڭگە قارجىلاي سىيلىق تابىستالدى. سونداي-اق «ۇزدىك ۇجىم», «ۇزدىك بىلىمگەر», «ۇزدىك جاۋاپ», «ۇزدىك بەلسەندى توپ», «ۇزدىك توپ باسشىسى» نوميناتسيا يەلەرىنە 100 مىڭ تەڭگە قارجىلاي سىيلىق بەرىلدى. 15 كومانداعا ىنتالاندىرۋ سىيلىعى تابىس ەتىلدى.