ءماجىلىس دەپتۋتاتى اسحات ايماعامبەتوۆ دەنساۋلىق ساقتاۋ, مادەنيەت, لۋدومانياعا قاتىستى بىرنەشە داۋلى ماسەلەلەردى كوتەرىپ, بىرقاتار ۇسىنىس ايتتى, دەپ حابارلايدى Egemen.kz.
دەپۋتات سالىق كودەكسىنىڭ جاي عانا ساندار مەن پايىزدار ەمەس, ادامداردىڭ ءومىرى ەكەنىن باسىپ ايتتى. ەڭ اۋەلى ا. ايماعامبەتوۆ كىتاپ پەن باسپا ءىسىنىڭ وركەندەۋىنە ققس ءبىرشاما كەدەرگى بولىپ تۇرعانىن جەتكىزدى.
«ەگەر ققس-تى تومەندەتپەسەك, كىتاپتار ودان سايىن قىمباتتايدى. ال بالالار تەك YouTube پەن TikTok كورەدى.فرانتسيا, جاپونيا سياقتى ەلدەردە كىتاپقا مۇلدە ققس سالىنبايدى نەمەسە ۇلكەن جەڭىلدىكتەر بار.بۇرىن سوعىس كەزىندە ادامدار وت ىشىنەن كىتاپتى الىپ شىعاتىن. ال ءبىز قازىر سول كىتاپقا سالىق سالىپ وتىرمىز. سوندىقتان كىتاپ پەن بالالارعا ارنالعان باسپا ونىمدەرىنەن ققس-تى الىپ تاستايىق», دەدى دەپۋتات.
كەلەسى ءسوز ەتىلگەن تەاترلار, كىتاپحانالار, مۇراجايلار مەن قولونەر ماسەلەسى.
«سوۆەت داۋىرىنەن كەلە جاتقان ديۆاندارى مەن ورىندىقتارى بار تەاترلار, ۋاقىتتىڭ تابى ءوتىپ كىتاپتارى سارعايىپ بىتكەن كىتاپحانالار سالىق تولەمەۋى كەرەك. ولار ساۋدا ورتالىقتارى ەمەس. بۇنى بيزنەس دەپ ويلاماۋ كەرەك. بۇل ءبىزدىڭ مادەنيەت. سوندىقتان مەكەمەلەردى كورپوراتيۆتىك تابىس سالىعىنان بوساتۋ قاجەت», دەدى دەپۋتات.
ودان ارى قاراي ا.ايماعامبەتوۆ ءدارى-دارمەك حاقىندا سويلەدى.
«راك, ديابەت, سيرەك كەزدەسەتىن اۋرۋلار — ۇكىمەت بۇل ماسەلەدە ءبىزدىڭ ۇسىنىستى قولدادى. بۇل — مىڭداعان وتباسى سەزىنەتىن ماڭىزدى قادام. بىراق ودان باسقا دا ماڭىزدى اۋرۋلار مەن دارىلەر بار. ەپيلەپسيا, پسيحيكالىق بۇزىلىستار, ينسۋلتتان كەيىنگى قالپىنا كەلۋ — بۇلار دا ءومىر ساپاسىن انىقتايتىن جاعدايلار. بۇل — اۋرۋ. ال اۋرۋعا سالىق سالۋ — ادىلەتسىز. قازىر 10% ققس ومىرلىك ماڭىزدى دارىلەرگە دە سالىنۋدا. ال بۇل دەگەنىمىز: كوپ بالالى وتباسىعا —ازىق-ت ۇلىكتى, ينسۋلت العان قارياعا —رەابيليتاتسيانى جوق دەي بەرۋ.ەگەر ءبىز دەنساۋلىق سالاسىندا گۋمانيستىك سالىق ساياساتىن باستادىق دەسەك — سوڭىنا دەيىن بارۋىمىز كەرەك. ءبىر شىندىقتى ايتۋ كەرەك: وسمس جۇيەسى اقساپ تۇر. گوبمپ پاكەتىنىڭ اۋقىمى تارىلىپ بارادى.حالىقتىڭ 40%-ى ەمدەلۋگە ءوز قالتاسىنان تولەيدى», دەپ قاداپ ايتتى.
ودان كەيىن دەپۋتات ترانسجيرگە تىيىم سالىنۋ قاجەتتىلىگىن اتاپ ءوتتى. بۇل راك, سەمىزدىك, جۇرەك-قان تامىر اۋرۋلارى, ديابەتتى تۋدىراتىنىن, قوعامدى ودان ساقتاندىرۋ ماڭىزدىلىعىن جەتكىزدى.
دەپۋتاتتىڭ كەلەسى كوتەرگەن ماسەلەسى – مۋلتفيلمدەرگە سالىناتىن سالىقتىڭ كوپتىگى. «بۇگىندە بالالاردىڭ كوبى باسقا تىلدەگى TikTok پەن Netflix عانا كورەدى. مەملەكەتتىك تىلدە كونتەنت از. نەگە؟ ءبىزدىڭ انيماتسيالىق ستۋديالار ءار كادر ءۇشىن ققس تولەيدى. قازاقشا مۋلتفيلم شىعارۋ — قىمبات. وڭتۇستىك كورەيا, پولشا, فرانتسيا — ءوز انيماتسياسىن قورعايدى. بىزگە دە سول قاجەت», دەدى ول.
ايماعامبەتوۆتىڭ سوڭعى بازىناسى كازينولارعا قارسى ايتىلدى. ول قۇمار ويىن ۇيلەرىنە سالىقتى باتىل كوتەرۋگە شاقىردى. 20%, 30%, ءتىپتى 50% سالىق سالۋدىڭ ەش سوكەتتىگى جوق ەكەنىن ءتۇسىندىردى. سەبەبى ءاربىر ۇتىلعان ءباستىڭ ارتىندا ءبىر وتباسىنىڭ ءۇمىتى تۇرعانىن ايتتى.
ء«بىزدىڭ ۇسىنىپ وتىرعانىمىز — جەڭىلدىك ەمەس, ادىلەتتىلىك. سالىق جۇيەسى مۇقتاجعا دەمەۋ بولۋى ءتيىس. سمارتفون — كىتاپتان ارزان بولماۋى كەرەك. ەنەرگەتيكالىق سۋسىن — سۋدان ارزان بولماۋى كەرەك», دەپ اياقتادى ءسوزىن ا.ايماعامبەتوۆ.