قر پارلامەنتى ءماجىلىسىنىڭ وتىرىسىندا جاڭا سالىق كودەكسىنىڭ جوباسى ءبىرىنشى وقىلىمدا قارالىپ جاتىر. بۇل تۋرالى ۆيتسە-پرەمەر – ۇلتتىق ەكونوميكا ءمينيسترى سەرىك جۇمانعارين حابارلادى, دەپ جازادى Egemen.kz.
سەرىك جۇمانعاريننىڭ ايتۋىنشا, بيزنەس-قوعامداستىقپەن جانە دەپۋتاتتىق كورپۋسپەن تالقىلاۋدان كەيىن ورتاق تاسىلدەردى تابۋعا مۇمكىندىك تۋدى.
«ققس 16%-عا تەڭ بولادى. ققس شەگى 40 ملن تەڭگە مولشەرىندە بەلگىلەنەدى. 40 ملن تەڭگە – ءبىز قول جەتكىزگەن ورتاق بايلام كورىنىسى. بىراق مۇنداي شەك بولعان جاعدايدا 160 مىڭ جاڭا سالىق تولەۋشىدەن ايىرىلىپ, 400 ملرد-قا جۋىق قوسىمشا كىرىستەن ايىرىلىپ جاتقانىمىزدى ايتقىم كەلەدى. مۇنى ايتىپ وتىرعان سەبەبىم, ءبىزدىڭ كاسىپكەرلەر, ۇكىمەت پەن پارلامەنت وسىنداي ىمىراعا كەلۋگە دايىن ەكەنىن ءتۇسىنۋى كەرەك», دەپ اتاپ ءوتتى ۆيتسە-پرەمەر.
سونداي-اق ۆيتسە-پرەمەر ەندى جك قۇرۋ دا قاتاڭداتىلاتىنىن ايتتى.
«بىزدە ءتيىستى نورمالار دايىن – بۇرىن زاڭ بۇزۋشىلىقا جول بەرگەندەر, قوسىمشا ارەكەتسىز جەكە كاسىپكەرلىگى بار ادامدار ءۇشىن – اشىق جاڭا جك اشۋ كۇردەلى پروتسەسس بولادى», دەپ اتاپ ءوتتى ۆيتسە-پرەمەر.