2024 جىلدان باستاپ تاراز, تۇركىستان, شىمكەنت, ورال جانە استانا قالالارىندا مەكتەپكە دەيىنگى ءبىلىم بەرۋ ىسىندە ۆاۋچەرلىك قارجىلاندىرۋ جۇيەسى ەنگىزىلگەن, دەپ جازادى Egemen.kz.
وقۋ-اعارتۋ مينيسترلىگىنىڭ حابارلاۋىنشا, بيىل ناۋرىز ايىنان باستاپ پيلوتتىق جوباعا سەمەي, وسكەمەن, جەزقازعان, قاراعاندى قالالارى, سونداي-اق بايزاق جانە سارىاعاش اۋداندارى قوسىلعان.
«بۇل مەحانيزم مەملەكەتتىك قىزمەتتەردى اشىق جانە ءتيىمدى كورسەتۋگە, جانە مەكتەپكە دەيىنگى ۇيىمدار اراسىندا مەملەكەتتىك تاپسىرىستى بولۋگە باعىتتالعان. جاڭا جۇيەنىڭ نەگىزگى ارتىقشىلىعى - بالاباقشالار اراسىنداعى سالاۋاتتى باسەكەلەستىك جانە اتا – انالارعا ارنالعان ءبىلىم بەرۋ مەكەمەسىن تاڭداۋ ەركىندىگى ەسەبىنەن قىزمەت كورسەتۋ ساپاسىن ارتتىرىپ جاتىر», دەدى مەكتەپكە دەيىنگى ءبىلىم دەپارتامەنتىنىڭ ديرەكتورى مانارا اداموۆا.
مينيسترلىك مالىمەتىنشە, ۆاۋچەرلىك قارجىلاندىرۋدى پيلوتتىق جوبا رەتىندە ىسكە اسىرۋ ارقىلى تاراز قالاسىنىڭ بالاباقشالارىنا كەزەك 12 ەسەگە – 24 مىڭنان 2 مىڭعا دەيىن, ال تۇركىستاندا – 5 ەسەگە-850-دەن 169-عا دەيىن قىسقارعان.
جوبا جىل سوڭىنا دەيىن باسقا وڭىرلەردە دە جۇزەگە اسىرىلادى.