وزبەكستاننىڭ ءاندىجان وبلىسىنداعى ىزباسقان اۋدانىندا ورنالاسقان مەشىتتىڭ دارەتحاناسىندا گاز-اۋا قوسپاسىنان جويقىن جارىلىس بولىپ, سالدارىنان 3 ادام وپات بولدى, 10 ادام جاراقات الىپ, اۋرۋحاناعا جەتكىزىلدى, دەپ حابارلايدى Egemen.kz.
وقيعا ورىن العان جەرگە بىردەن ەكى قۇتقارۋ توبى, ەكى ءورت ءسوندىرۋ جانە قۇتقارۋ بريگاداسى اتتانعان. جارىلىس ناتيجەسىندە دارەتحانانىڭ قابىرعاسى مەن شاتىرىنا زاقىم كەلىپ, بىراق ءورت شىقپاعان.
قازىر وسى وقيعا بويىنشا تەرگەۋ جۇمىستارى باستالدى.