اسا ءىرى مولشەردە الاياقتىق جاسادى دەگەن كۇدىكپەن قىلمىستىق جاۋاپكەرشىلىككە تارتۋ ءۇشىن رەسەي فەدەراتسياسىنان قر باس پروكۋراتۋراسىنىڭ سۇراۋى بويىنشا كۇدىكتى ەكستراديتسيالاندى, دەپ حابارلايدى Egemen.kz باس پروكۋراتۋرانىڭ مالىمەتىنە سىلتەمە جاساپ.
«اتالعان تۇلعا 2017 جىلى جالعان فيرما قۇرىپ, كونتراگەنتكە بيتۋم جەتكىزۋ بويىنشا جالعان كوممەرتسيالىق ۇسىنىس جىبەرگەن. بيزنەس سۋبەكتىسىنەن 50 ميلليون تەڭگە العان ول قىلمىستىق جاۋاپكەرشىلىكتەن جالتارۋ ماقساتىندا جاسىرىنعان, وسىعان بايلانىستى حالىقارالىق ىزدەۋ جاريالانعان», دەلىنگەن حابارلامادا.
بىلتىر قازان ايىندا كۇدىكتى اتالعان ەلدىڭ ورلوۆ وبلىسىندا ۇستالىپ, كەيىن قازاقستاننىڭ باس پروكۋراتۋراسىنىڭ سۇرانىسى بويىنشا ەلگە ەكستراديتسيالانعان.
تاعىلعان ايىپ بويىنشا ونىڭ مۇلكىن تاركىلەي وتىرىپ, وعان 5 جىلدان 10 جىلعا دەيىن باس بوستاندىعىنان ايىرۋ جازاسى قاراستىرىلعان.