شقو-داعى شەمونايحا اۋدانى پروكۋراتۋراسىنىڭ تەكسەرۋى بارىسىندا وبلىستاعى قاجد №18 مەكەمەسىندەگى سوتتالعانداردى دارىگەرلەر تولىق تەكسەرمەسە دە تولەم جاسالعانىن انىقتادى, دەپ جازادى Egemen.kz.
2023 جىلدىڭ جەلتوقسان ايىندا حيرۋرگ مەكەمەگە جوسپارلى ساپارى كەزىندە 15 سوتتالعاندى تەكسەرگەن, الايدا ەسەپتىك قۇجاتتاردا قابىلداۋدا 160 ادامنىڭ بولعانى كورسەتىلگەن. وسى دەرەكتەر نەگىزىندە دارىگەرگە 214 مىڭ تەڭگە مولشەرىندە جالاقى ەسەپتەلگەن. الايدا بەكىتىلگەن نورماتيۆتەرگە سايكەس, 15 ناۋقاستى قابىلداعانى ءۇشىن تولەنەتىن سوما 15 252 تەڭگەنى قۇراۋى ءتيىس بولعان.ء دال وسىنداي جاعداي دەرماتوۆەنەرولوگ, ناركولوگ, نەۆروپاتولوگ جانە پسيحياتر دارىگەرلەرىنىڭ قابىلداۋلارىندا دا قايتالانعان. ناتيجەسىندە, دارىگەرلەرگە 1,4 ملن تەڭگە ارتىق تولەنگەن. باس پروكۋراتۋرا قاداعالاۋ اكتىسى نەگىزىندە زاڭسىز تولەنگەن قارجى بيۋدجەتكە قايتارىلىپ, ال كىنالى تۇلعالار تارتىپتىك جاۋاپكەرشىلىككە تارتىلعانىن مالىمدەدى.