بۇگىن سەناتتىڭ جالپى وتىرىسىندا قازاقستان رەسپۋبليكاسىنىڭ سۋ كودەكسى مەن ىلەسپە قۇجات قارالدى, دەپ جازادى Egemen.kz.
سەناتورلار قۇجاتتىڭ كەي باپتارىن رەداكتسيالاپ قايتا قاراۋ ءۇشىن ماجىلىسكە قايتاردى.
سۋ كودەكسىن, سونداي-اق, ىلەسپە زاڭدى تالقىلاۋ جانە ولاردى ەكىنشى وقىلىمعا ازىرلەۋ بارىسىندا باس كوميتەتتىڭ, قارجى جانە بيۋدجەت كوميتەتىنىڭ ەسكەرتۋلەرى مەن ۇسىنىستارى ەسكەرىلىپ, مىناداي تۇزەتۋلەر ەنگىزىلگەن:
- سۋ رەسۋرستارىن پايدالانعانى ءۇشىن تولەمگە بايلانىستى بىرقاتار نورمالاردى سالىق كودەكسىنە سايكەس كەلتىرۋ;- تۇرعىن ءۇي قاتىناستارى جانە تۇرعىن ءۇي-كوممۋنالدىق شارۋاشىلىق سالاسىنداعى ۋاكىلەتتى ورگاننىڭ قۇزىرەتىن ناقتىلاۋ;ارناۋلى سۋ پايدالانۋعا رۇقساتتان ايىرۋ ءتارتىبىن ناقتىلاۋ;- سۋ قورىن قورعاۋ جانە پايدالانۋ سالاسىنداعى مەملەكەتتىك باقىلاۋ مەن قاداعالاۋعا بايلانىستى نورمالاردى كاسىپكەرلىك كودەكسىنىڭ نورمالارىنا سايكەس كەلتىرۋ;- باسسەيندىك سۋ ينسپەكتسيالارى جۇزەگە اسىراتىن مەملەكەتتىك باقىلاۋدىڭ اتاۋىن ناقتىلاۋ بولىگىندە كاسىپكەرلىك كودەكسىنە وزگەرىس ەنگىزۋ قاجەت.
«جاڭا سۋ كودەكسى اياسىندا سۋ وبەكتىلەرىن ۇتىمدى پايدالانۋ, ستراتەگيالىق جوسپارلاۋدىڭ جاڭا قۇرالدارىن ەنگىزۋ, گيدروتەحنيكالىق قۇرىلىستاردى باسقارۋعا كوڭىل ءبولۋ, سۋ رەسۋرستارىنىڭ مونيتورينگى مەن باسقارۋدىڭ ۇلتتىق اقپاراتتىق جۇيەسىن قۇرۋ, سۋدى ۇتىمدى پايدالانۋ, ىسىراپتى ازايتۋ جانە سۋدى ۇنەمدەۋ تەحنولوگيالارىن ەنگىزۋ, كليماتتىڭ وزگەرۋىنە بايلانىستى سۋدى دۇرىس پايدالانۋعا بەيىمدەۋ, قۇقىق بۇزۋ فاكتىلەرىنە جەدەل دەن قويۋ ماقساتىندا ۋاكىلەتتى ورگانعا قاداعالاۋ فۋنكتسيالارىن بەرۋ مەن بالامالى سۋ كوزدەرىن جيناقتاۋ ءارى پايدالانۋ ماسەلەلەرىنە كوڭىل بولىنگەن. ىلەسپە زاڭ قولدانىستاعى زاڭنامانى جاڭا سۋ كودەكسىنىڭ نورمالارىنا سايكەس كەلتىرۋ مەن سۋ رەسۋرستارىن قورعاۋ جانە پايدالانۋ سالاسىنداعى قاتىناستاردى قۇقىقتىق رەتتەۋدى جەتىلدىرۋ ماقساتىندا ازىرلەندى», دەدى سەنات دەپۋتاتى جانبولات جورگەنباەۆ.