تاماشا ءىس-شارا بۇگىن «QAZAQSTAN» جەڭىل اتلەتيكا كەشەنىندە ءوتتى, دەپ جازادى Egemen.kz.
فلەشموبتى ناۋرىزنامانىڭ ۇلتتىق كيىم كۇنىنە ورايلاستىرا ۇيىمداستىرعاندار – ەلوردالىق ءبىلىم باسقارماسى مەن تەحنيكالىق جانە كوركەم شىعارماشىلىق ورتالىعى.
«قاماجاي» ءبيى – نازىكتىك پەن ادەمىلىكتى بەينەلەيدى. ال مۇنداي اۋقىمدا ونەر كورسەتۋ ەرەكشە اسەر قالدىرۋمەن قاتار, مادەنيەتىمىزدى كەڭىنەن ناسيحاتتاۋ ءۇشىن دە ماڭىزدى. قىزدار دايىندىقتارىنىڭ جوعارى دەڭگەيدە ەكەنىن كورسەتتى, ءبىز ولاردىڭ ونەرىن ماقتان تۇتامىز», دەيدى «شاشۋ» فولكلورلىق ءانسامبلىنىڭ شىعارماشىلىق جەتەكشىسى راحات ءتاۋىرجان.
قالا اكىمدىگىنىڭ رەسمي سايتىنىڭ مالىمدەۋىنشە, فلەشموب ەرەكشە ساتپەن اياقتالدى: كورەرمەندەر بي بيلەگەن وقۋشى قىزدارعا قوسىلىپ, ولاردىڭ قيمىلىن قايتالادى. سول سياقتى ءبيشى قىزدار قىزعالداق گ ۇلىنە ۇقساپ, ادەمى كورىنىس جاسادى. سونىمەن قاتار, ءىس-شارادا ۇلتتىق كيىمدەردىڭ ءسان كورسەتىلىمى ءوتتى, وندا استانا كوللەدجدەرىنىڭ ستۋدەنتتەرى قازاقتىڭ ءداستۇرلى كيىمدەرىن كورسەتتى.