ەكىباستۇزدا 140 ۇپاي جيناعان تۇلەككە بەس ميلليون تەڭگە بەرىلەتىن بولدى, دەپ حابارلايدى Egemen.kz.
مۇنداي كەرەمەت سىيلىقتى جەرگىلىكتى كاسىپكەر مەرەكە بايجان ۇسىنعان.
«زەردە» مامانداندىرىلعان مەكتەبىنىڭ تۇلەكتەرى تاراپىنان يگى باستامالار ءجيى كوتەرىلەدى. بىلتىرعى قاراشا ايىندا مەكتەپ تۇلەگى مەرەكە بايجان مەكتەپتىڭ ءپان وليمپياداسىندا جەتىستىككە جەتكەن 11-سىنىپتىڭ ەكى وقۋشىسىنا 30 مىڭ تەڭگەدەن ستيپەنديا تاعايىنداعان بولاتىن.
مەكتەپتى 2014 جىلى بىتىرگەن كاسىپكەر بۇعان دەيىن ءبىلىم وشاعىنىڭ 20 جىلدىق مەرەيتويىن ءبىر ميلليون تەڭگە اقشالاي قاراجاتپەن قولداعان.
«بۇل جولى دا ول تاماشا باستاماسىمەن تۇلەكتەردى بىلىمگە ەرەكشە تالپىندىرماق. مەرەكە بايجان بيىلعى ۇلتتىق بىرىڭعاي تەستىلەۋدە 140 ۇپاي جيناعان مەكتەپ تۇلەگىنە بەس ميلليون تەڭگەنىڭ سەرتيفيكاتىن تاپسىرماق», - دەلىنگەن حابارلامادا.