الماتى اكىمى ەربولات دوساەۆ مەملەكەت باسشىسىنىڭ تاپسىرماسىمەن توتەنشە جاعدايدا كورسەتكەن ەرلىگى مەن جانقيارلىعى ءۇشىن ءابدىرايىم مۇسا سايرانباي ۇلىن «ەرلىگى ءۇشىن» مەدالىمەن ماراپاتتادى, دەپ جازادى Egemen.kz اقپارات اگەنتتىگى.
سونداي-اق, مۇسا ابدىرايىمعا اقشالاي سىياقى تابىستالدى.
52 جاستاعى ازامات جولاۋشى رەتىندە الماتى حالىقارالىق اۋەجايىنىڭ ۇشۋعا دەيىنگى تەكسەرۋ ايماعىنا كىرگەن قىلمىسكەردىڭ قولىنداعى پىشاعىن تارتىپ الدى. باتىلدىق پەن شاپشاڭدىقتىڭ ارقاسىندا ول اۋەجاي قىزمەتكەرىنىڭ ءومىرىن ساقتاپ قالدى.
«قازاقستان پرەزيدەنتى قاسىم-جومارت كەمەل ۇلىنا وراسان زور كوڭىل ءبولىپ, قۇرمەت كورسەتكەنى ءۇشىن شىن جۇرەكتەن العىسىمدى بىلدىرەمىن. ءبىزدىڭ ەلدە ارقاشان بەيبىت اسپان, كەلىسىم مەن وركەندەۋ بولسىن!», - مۇسا ءابدىرايىم