دزيۋدو شەبەرى ءابيبا ابۋجاقىنوۆا اۋستريادا ءوتىپ جاتقان گران-پري جارىسىندا چەمپيون اتاندى. قازاقستان دزيۋدو فەدەراتسياسى ءباسپاسوز قىزمەتىنىڭ حابارلاۋىنشا, ول فينالدا جاپونيالىق ساچيو يوشينومەن بەلدەسىپ, ايقىن باسىمدىقپەن جەڭىسكە جەتتى.
ايەلدەر اراسىندا 48 كيلوعا دەيىنگى سالماق دارەجەسىندە بەلدەسكەن جەرلەسىمىز ىرىكتەۋ كەزەڭىندە ميزۋكي حارادانى (جاپونيا), شيرەك فينالدا سپرينگەر جاكليندى (اۋستريا), ال جارتىلاي فينالدا امبەر حەرسەستى (نيدەرلاند) ۇتتى.
بۇل – ءابيبا ابۋجاقىنوۆانىڭ جاڭا ماۋسىمداعى العاشقى جارىسى ءارى العاشقى التىنى. بۇعان دەيىن ول ۇلكەن دۋلىعا ءتۋرنيرىنىڭ 4 دۇركىن قولا جۇلدەگەرى, 2023 جىلى پورتۋگاليادا وتكەن گران-پري جارىسىندا توپ جارعان بولاتىن. سونىمەن قاتار جەرلەسىمىز بۇعان دەيىن الەم چەمپيوناتى مەن ازيا ويىندارىنان قولا جۇلدە ولجالاعان ەدى. قورجىنىندا قۇرلىق دوداسىنىڭ كۇمىسى مەن قولا مەدالى دە بار.
اۋستريادا دزيۋدودان ءوتىپ جاتقان گران-پري كەزەڭىنە الەمنىڭ 52 ەلىنەن 416 بالۋان قاتىسىپ جاتىر.