بۇل تۋرالى پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين ايتتى, دەپ جازادى Egemen.kz.
«15 بلوگەر 1,5 ملرد تەڭگە اۋدارىپ, بيۋدجەتكە 75 ملن تەڭگە تولەدى. بۇل سالىق كوميتەتىنىڭ قالاي جۇمىس ىستەيتىندىگىنىڭ ۇلگىسى», دەدى س.جۇمانعارين.
ونىڭ ايتۋى بويىنشا, مەملەكەتكە قارىزى بار بلوگەرلەردىڭ ءتىزىمى بار فوتوسۋرەتتى تاراتۋ ارقىلى سالىق كوميتەتى ء«وز جۇمىسىنىڭ كەيبىر اسپەكتىلەرىن اشقان». مۇنداي حابارلامالار ءىرى بيزنەس وكىلدەرىنە دە جىبەرىلگەن.
وسىعان دەيىن قازاقستاندىق سەگىز بلوگەر ءوز ەرىكتەرىمەن 1,2 ميلليارد تەڭگەگە جۋىق سوماداعى تابىسىن جاريالاعانى ايتىلعان بولاتىن. مكك-دا حابارلاعانداي, ينفليۋەنسەرلەر ءوز بەتىنشە دەكلاراتسيا بەرىپ, بيۋدجەتكە 70,6 ميلليون تەڭگە كولەمىندە سالىق تولەگەن.
وسى سەگىزدىككە قانداي بلوگەرلەر كىرگەنى جانە ولاردىڭ كىرىستەرىن دەكلاراتسيالاۋ قالاي جۇزەگە اسىرىلعانى تۋرالى اقپارات انىقتالماعان.