بۇگىندە رەسپۋبليكا بويىنشا 3 700-گە جۋىق موپەد تىركەلگەن, ونىڭ شامامەن 1 400-ءى الماتىدا, دەپ حابارلايدى Egemen.kz Polisia.kz-كە سىلتەمە جاساپ.
ايتا كەتەيىك, بارلىق موپەد يەلەرى كولىكتەرىن 2025 جىلدىڭ 5 ساۋىرىنە دەيىن تىركەۋگە مىندەتتى. بۇدان كەيىن تىركەلمەگەن موپەدتەردى باسقارۋعا تىيىم سالىنادى.
موپەدتى تىركەۋ ءۇشىن يەلەرى تۇرعىلىقتى جەرى بويىنشا مامانداندىرىلعان حالىققا قىزمەت كورسەتۋ ورتالىعىنا (ارنايى حقكو) جۇگىنىپ, قۇجاتتاردى ۇسىنىپ, تەحنيكالىق تەكسەرۋدەن وتكىزىپ, سونداي-اق كولىكتى تىركەۋ, تىركەۋ تۋرالى كۋالىك جانە مەملەكەتتىك ءنومىر الۋ ءۇشىن مەملەكەتتىك باجداردى تولەۋى قاجەت.
«تىركەلمەگەن موپەدتەردى پايدالانۋمەن بايلانىستى قۇقىق بۇزۋشىلىقتار انىقتالعان جاعدايدا اكىمشىلىك قۇقىق بۇزۋشىلىق تۋرالى كودەكستىڭ 590-بابىنىڭ 2-تارماعىنا سايكەس 10 اەك مولشەرىندە ايىپپۇل تۇرىندە جاۋاپكەرشىلىك كوزدەلگەن», دەلىنگەن حابارلامادا.