استانادا وتكەن ءباسپاسوز ءماسليحاتىندا باس ءمۇفتي ناۋرىزباي قاجى تاعان ۇلى قازاق ءتىلىنىڭ ءدىن سالاسىنداعى قولدانىس اياسى تۋرالى پىكىر ءبىلدىردى. ونىڭ ايتۋىنشا, عاسىرلار بويى مۇسىلماندىق جولدى ۇستانعان بابالارىمىز انا تىلىمىزدەگى سوزدەردى قولدانعان, دەپ حابارلايدى Egemen.kz.
باس ءمۇفتي جاستاردى ءدىني تەرميندەردى قازاق تىلىندە ايتۋعا شاقىردى.
«وسى رەتتە جاستاردى ءدىني تەرميندەردى قازاقشا ايتۋعا شاقىرامىن. وكىنىشكە قاراي, كەيبىر جاس بۋىن وكىلدەرىنىڭ اۋىزاشاردى – «يفتار», سارەسىنى – «سۋحۋر» دەپ ايتىپ جۇرگەنى كوڭىلگە قاياۋ تۇسىرەدى. سان عاسىردان بەرى مۇسىلماندىق جولدى ۇستانعان اتا-بابالارىمىز اۋىزاشار, سارەسى دەگەن سوزدەردى قولدانعان. ءبىز دە بابالار جولىن ۇستانعان ۇرپاق رەتىندە وزگە تىلدەن ەنگەن ءدىني تەرميندەردەن بارىنشا اۋلاق بولىپ, ءوزىمىزدىڭ اتا-بابامىزدان قالعان جاقسى سوزدەردى قولدانىپ, ءوزىمىزدىڭ انا تىلىمىزگە قۇرمەت كورسەتىپ, قازاقشا سويلەۋگە تىرىسايىق», دەدى ناۋرىزباي قاجى تاعان ۇلى.