الەۋمەتتىك جەلىلەردە ەر ادامنىڭ دەنەسىن بولشەكتەپ, قوقىس جاشىگىنە تاستاعان وقيعانىڭ ۆيدەوسى پايدا بولدى, دەپ حابارلايدى Egemen.kz.
بەينەجازبادان ايەل مەن ەر ادامنىڭ قوقىس كونتەينەرىنە بارا جاتقانىن كورۋگە بولادى. ەر ادام بولشەكتەلگەن ءمايىتتى كىلەمگە وراپ, يىعىنا سالىپ, كوتەرىپ بارا جاتقانىن كورۋگە بولادى.
ايتا كەتەيىك, كىسى ءولتىرۋ وقيعاسى 30 قاڭتاردا بايقوڭىر كوشەسىندەگى ۇيلەردىڭ بىرىندە بولعان. ەر ادامنىڭ بولشەكتەلگەن دەنەسى قوقىس جاشىگىنەن تابىلدى.
جەدەل ءىس-شارالار بارىسىندا پوليتسيا قىزمەتكەرلەرى كۇدىكتى رەتىندە 1977 جىلى تۋعان ايەلدى ۇستادى. ول ءوز پاتەرىندە بىرگە الكوگولدىك ىشىمدىك ىشكەن سوڭ جانجال كەزىندە ەر ادامدى پىشاقتاپ ءولتىرىپ, كەيىن ونىڭ دەنەسىن بولشەكتەپ تاستاعان.
قىلمىسىن جاسىرۋ ءۇشىن ول سىبايلاسىمەن بىرگە مۇردەنى قوقىس كونتەينەرىنە اپارىپ تاستاعان.