قوستاناي قالاسىنىڭ 53 تۇرعىنى شەتەلگە تۋر ۇيىمداستىرعان تۋريستىك كومپانياعا جاپپاي شاعىم ءتۇسىردى, دەپ حابارلايدى Egemen.kz.
انىقتالعانداي, قوستانايلىقتار تۋرعا اقشا تولەگەنىمەن, ۋادە ەتىلگەن قىزمەتتەردى الماعان. ولار مىسىر, تۇركيا, تايلاند, ۆەتنام جانە قىتايعا ساياحاتتاردى برونداپ, تۋرلاردىڭ قۇنىن تولىق نەمەسە ءىشىنارا تولەگەن.
«قالا تۇرعىندارى تۋردى جەكە وزدەرى, كەڭسەگە بارىپ قولما-قول اقشامەن جانە بانكتىك اۋدارىم ارقىلى برونداعان. بىراق كەتەر كۇنى ولار تۋرعا تاپسىرىس بەرىلمەگەنىن بىلگەن. الدىن الا بولجام بويىنشا, شىعىن شامامەن 40 ميلليون تەڭگەنى قۇرادى», دەلىنگەن پوليتسيا حابارلاماسىندا.
كومپانيانىڭ مالىمدەۋىنشە, ولار اقشانى يەمدەنىپ الماعان. تەك تۋرلار ءوز قۇنى بويىنشا ساتىلعان, سونىڭ سالدارىنان ماسەلە تۋىنداعان. دەگەنمەن, پوليتسەيلەر تۋردى برونداۋدى راستايتىن قانداي دا ءبىر قۇجاتتاردىڭ جوقتىعىن انىقتاعان.
قازىر سوتقا دەيىنگى تەرگەۋ امالدارى جۇرگىزىلىپ جاتىر. تۋريستىك كومپانيانىڭ باسشىسى قاماۋعا الىندى.