كاليفورنيا شتاتىنىڭ مونتەرەي وكرۋگىندەگى «Vistra Corp» كومپانياسىنىڭ «Moss Landing» ەلەكتر ستانتسياسىندا ءورت شىعىپ, موسس لاندينگ پەن ەلحورن سلوۋ اۋداندارىنىڭ تۇرعىندارى ەۆاكۋاتسيالاندى, دەپ حابارلايدى Egemen.kz
Associated Press News باسىلىمىنىڭ حابارلاۋىنشا, نىساندا جاڭارتىلاتىن ەنەرگيا كوزدەرىنەن ەلەكتر ەنەرگياسىن ساقتايتىن ونداعان مىڭ ليتي باتارەيالارى بار جانە ولار ورتەنىپ كەتسە, ءورتتى ءسوندىرۋ قيىنعا سوعادى.
بەلگىلى بولعانداي زاۋىتتاعى بارلىق جۇمىسشىلار قاۋىپسىز جەرگە كوشىرىلگەن. ءورتتىڭ شىعۋ سەبەبىن انىقتاۋ ءۇشىن تەرگەۋ جۇمىستارى باستالعانى حابارلاندى.
بۇگىن سولتۇستىك مونتەرەي وكرۋگى بارلىق مەكتەپتەر مەن كەڭسەلەر جابىلاتىنىن مالىمدەدى. جەرگىلىكتى بيلىك پەن توتەنشە جاعدايلار قىزمەتى قوعامدىق قاۋىپسىزدىكتى قامتاماسىز ەتۋ ءۇشىن بەلسەندى شارالار قابىلداپ جاتىر.