بالاعا ارنالعان قارجى

بۇل ءوزى نە جۇيە؟ ءتارتىبى قان­­داي؟ قىسقا-نۇسقا تانىس­تى­رايىق.

اۋەلى مەملەكەتتەن باس­تاپقى ءبىلىم بەرۋ كاپيتالى (ببك) رەتىندە 235 920 (60 اەك) تەڭ­گە بىرجولعى تولەم تۇسەدى. الەۋ­مەتتىك وسال توپ بالالارى­نا 471 840 تەڭگە ەسەپتەلەدى. بىراق شوت بالا 5 جاس­تا كەزىندە (6 جاس­قا تولىپ كەتپەي تۇرىپ) اشى­لۋى كەرەك. سونىمەن قاتار قول­دا­نىستاعى ءبىلىم بەرۋ جي­ناقتاۋشى ساقتاندىرۋ شارتى­نىڭ بولۋى دا ەسكەرىلەدى. بالا 18 جاسقا تولعان سوڭ جيناق جۇيەسىندەگى ساقتاندىرۋ كومپانياسىنان جيناقتالعان قاراجات پەن ۇلتتىق قوردا جيناقتالعان بارلىق جيناقتى بىرىكتىرىپ, تاڭداعان جوعارى وقۋ ورنىنىڭ وقۋ اقىسىن تولەي الادى.

جۇيەگە قاتىسۋ ءۇشىن ەكىنشى دەڭگەيلى بانك پەن ساقتاندىرۋ كومپانياسىنا بارىپ, ءبىلىم بەرۋ جيناقتاۋشى ساقتاندى­رۋ شارتىن جاساسۋ قاجەت. بۇل رەتتە اتا-انا جي­ناعىنان بولەك, مەملەكەت­تەن جىل سايىنعى سىي­ا­قى جانە ساقتاندىرۋ ۇيىمى­نان كەپىل­دەندىرىلگەن ينۆەستي­تسيالىق كىرىس ەسەپتەلەدى. شارت جاساسۋ ءۇشىن اتا-انانىڭ جەكە باسىن كۋا­لاندىراتىن قۇجات جانە بالانىڭ تۋ تۋرالى كۋالىگى ۇسىنىلادى. ەسكەرەتىن جايت – ماقالانىڭ باسىندا ايتىلعان مەملەكەتتىك باستاپقى ءبىلىم بەرۋ كاپيتالى تەك اقشا سالىنىپ وتىرعان جانە 2025 جىلى 5 جاسقا تولعان بالالاردىڭ ەسەپشوتىنا تۇسەدى. ال ەسەپشوتقا جىل سايىن اتا-انا تاراپىنان ەڭ كەمى 94 368 تەڭگە (24 اەك) تۇسۋگە ءتيىس. ەگەر جىل سايىن تولتىرىلماسا, مەملەكەت قارجىنى قايتارىپ الادى. سونداي-اق بالا ازاماتتىعىن اۋىستىرسا نەمەسە باسقا ەلگە قونىس اۋدارسا دا قاراجات كەرى قايتارىلادى.

جىل سايىنعى مەملەكەتتىك سىيلىقاقى مولشەرلەمەسى – 5%. حالىقتىڭ الەۋمەتتىك وسال توپتارىنىڭ بالالارى ءۇشىن – 7%. جۇيەنىڭ نەگىزگى ماقساتى – ءارتۇرلى كوزدەن (اتا-انا, ساقتان­دىرۋ كومپانياسى, مەملەكەت) تۇسەتىن قاراجاتتى بىرىڭعاي جيناق­تاۋشى جۇيەسىنە جيناقتاۋ جانە ءار بالا جوعارى وقۋ ورنىنا ءتۇسۋ جاسىنا قاراي جوعارى ءبىلىم الۋدى قولجەتىمدى ەتۋ.

«كەلەشەك» سالىمدارى بو­يىن­شا ەكىنشى دەڭگەيلى بانك­­تەر 11%-دان تومەن ەمەس مول­شەرلەمەمەن سىياقى بەرۋگە ءتيىس. ەگەر بالا گرانتقا وقۋعا تۇسسە وندا جينالعان قارجىنى ەكىنشى جوعارى ءبىلىم الۋ; باسپانا ساتىپ الۋ نەمەسە جوندەۋ; قارجىنى قر ءۇشىنشى تۇلعاسىنا اۋدارۋ; جيناقتاۋدى جالعاستىرۋ; اق­شانى شەشىپ الۋ ء(بىلىمى تۋرالى قۇجاتتى ۇسىنا وتىرىپ) ماق­ساتىن­دا جاراتۋعا قۇقىلى.

باعدارلاما 2025 جىلدىڭ 1 ناۋ­رىزىندا ىسكە قوسىلادى.