ماجىلىستەگى «اماNات» فراكتسياسىنىڭ دەپۋتاتى ەربولات ساتىبالدين ۇلىتاۋ وبلىسىنا جۇمىس ساپارى بارىسىندا ءوڭىردىڭ بارلىق دەڭگەيدەگى ءماسليحات دەپۋتاتتارىمەن كەزدەسۋ وتكىزدى, دەپ حابارلايدى Egemen.kz.
جيىن بارىسىندا جەرگىلىكتى دەپۋتاتتار ءوڭىردىڭ الەۋمەتتىك-ەكونوميكالىق دامۋىنا قاتىستى وزەكتى ماسەلەلەردى كوتەرىپ, بىرقاتار ماڭىزدى ۇسىنىستارىن ورتاعا سالدى.
اتاپ ايتقاندا, قۇمكول مۇناي-گاز كەن ورنىن ۇلىتاۋ وبلىسىنا قاراستى ەتىپ, پايدالى قازبالاردان تۇسەتىن سالىقتىڭ 50 پايىزىن وبلىس بيۋدجەتىنە باعىتتاۋ, جوشى حان تاريحي-مادەني كەشەنىن مەملەكەت بالانسىنا بەرىپ, مادەنيەت جانە اقپارات مينيسترلىگىنىڭ قۇزىرىنا وتكىزۋ ماسەلەلەرى ايتىلدى.
جەزقازعان قالالىق ءماسليحاتىنىڭ توراعاسى راۋشان قاپاروۆا مادەني كەشەندى قارجىلاندىرۋعا جەرگىلىكتى بيۋدجەتتەن بولىنەتىن قاراجاتتىڭ جەتكىلىكسىزدىگىن اتاپ ءوتتى. وسىعان وراي نىساندى رەسپۋبليكالىق دەڭگەيدە قارجىلاندىرۋ ۇسىنىلدى.
ءوز كەزەگىندە ەربولات ساتىبالدين بۇل ۇسىنىستاردىڭ ماجىلىستە قاراستىرىلىپ جاتقانىن جانە ءتيىستى شەشىمدەر قابىلداناتىنىن اتاپ ءوتتى. سونداي-اق دەپۋتات ءوڭىردىڭ الەۋمەتتىك-ەكونوميكالىق دامۋىنا قاتىستى ماسەلەلەردى شەشۋ باعىتىندا ناقتى جۇمىستار جۇرگىزىلەتىنىن ايتتى.