21 جەلتوقسان كۇنى سەمەي قالاسىندا مۇعالىم شىرشانى بەزەندىرۋ كەزىندە بيىكتەن قۇلاپ, زارداپ شەككەن ەدى. بۇگىن ۇكىمەت وتىرىسىنان كەيىن وتكەن ءباسپاسوز كونفەرەنتسياسىندا وقۋ-اعارتۋ ءمينيسترى عاني بەيسەمباەۆ مۇعالىمنىڭ قازىرگى احۋالىن ايتتى, دەپ جازادى Egemen.kz.
شىرشا بەزەندىرۋ كەزىندە بيىكتەن قۇلاعان مۇعالىم قۋات ايتقاليەۆ باسسۇيەگى سىنىپ, ميىنا زاقىم كەلگەن. دارىگەرلەر وقيعا بولعان كۇنى وعان وتا جاساعان.
سول كۇننەن بەرى اق حالاتتىلاردىڭ باقىلاۋىندا بولعان مۇعالىم بۇگىن اۋرۋحانادان شىقتى. بۇل تۋرالى عاني بەيسەمباەۆ ايتتى.
ءمينيستردىڭ سوزىنشە, قۋات ايتقاليەۆ تولىقتاي ساۋىعىپ شىققان.
«بۇل ماسەلەنى ۇنەمى باقىلاۋىمدا ۇستاپ وتىرمىن. قازىر بۇل ماسەلەمەن اكىمدىك اينالىسىپ جاتىر. كىنالىلەر جازالاندى. تەكسەرۋ تولىق اياقتالعاننان كەيىن ءتيىستى شارا قولدانىلادى», دەدى وقۋ-اعارتۋ ءمينيسترى.