پاۆلوداردا پوليتسەيدەن قاشقان كولىك جۇرگىزۋشىسى اعاشقا سوعىلدى. جول اپاتى قامزين-تسيولكوۆسكي كوشەلەرىنىڭ قيىلىسىندا بولدى, دەپ حابارلايدى Egemen.kz pavlodarnews.kz-كە سىلتەمە جاساپ.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, ۆاز ماركالى اۆتوكولىك جۇرگىزۋشىسى پوليتسيانىڭ كۇدىگىن تۋدىرعان.
- ول قىزمەتكەرلەردىڭ توقتاتۋ تۋرالى تالاپتارىن ەلەمەي جىلدامدىقتى ارتتىرا بەردى. راسكوۆ كوشەسىندە رولگە يە بولا الماي, اعاشقا سوعىلىپ, قاشىپ كەتۋگە تىرىستى, بىراق ۇستالدى, - دەپ حابارلادى دەپارتامەنت.
سويلەسۋ كەزىندە جۇرگىزۋشىدەن الكوگولدىڭ وتكىر ءيىسى شىققان. تەكسەرىس قورىتىندىسى بويىنشا ونىڭ ماس ەكەنى انىقتالدى.
ماس كۇيىندە رولگە وتىرعانى ءۇشىن جۇرگىزۋشى جاۋاپقا تارتىلدى. ماتەريال سوتتا قارالدى, ونىڭ شەشىمى بويىنشا جۇرگىزۋشى جەتى جىلعا جۇرگىزۋ قۇقىعىنان ايىرىلدى جانە 15 تاۋلىك مەرزىمگە اكىمشىلىك قاماۋعا الىندى.