استانا. 30 قاڭتار. كەشە قىرعىزستاننىڭ وڭتۇستىگىندە فرانتسۋز تاۋارلارىنا بويكوت جاريالاۋ اكتسياسى باستالدى. بۇل تۋرالى Interfax حابارلادى.
«قىرعىز مۇسىلماندارى Charlie Hebdo جۋرنالىنىڭ مۇحاممەد پايعامبارعا كاريكاتۋرا سالىپ, كەلەمەجدەگەنى ءۇشىن تۇرعىنداردى فرانتسۋز تاۋارلارىن ساتىپ الماۋعا شاقىردى», - دەپ جازادى اگەنتتىك.
قازىر قىرعىزستاننىڭ وش وبلىسىندا پايعامبارعا تاعزىم ەتۋ اپتالىعى ءجۇرىپ جاتىر. مۇحاممەد عالەيس-سالامنىڭ ءومىر جولى مەن وسيەتتەرى تۋرالى وش وبلىسى قاراسۋ اۋدانىنىڭ باس يمامى سۋيۋن-قاجى كالىكوۆ بارلىق مەشىتتەردە ايتىپ بەرەدى.
وبلىستىڭ نووكات اۋدانىندا «مەن پايعامباردى جاقسى كورەمىن» دەگەن ۇرانمەن شەرۋلەر وتكىزۋ قولعا الىندى. وعان قاتىسۋشىلار جەرگىلىكتى تۇرعىنداردى فرانتسۋز زاتتارىن ساتىپ الماۋعا ۇگىتتەيدى. سونىمەن بىرگە, ورتالىق بازاردا بەلسەندىلەر فرانتسۋز ءيىسسۋلارىنان باس تارتۋ اكتسياسىن باستاپ كەتتى.
وشتىڭ ورتالىق بازارى قىرعىزستاننىڭ وڭتۇستىگىندەگى ەڭ ۇلكەن ساۋدا ورتالىعى بولىپ تابىلادى. سوعان قاراماستان, مۇندا فرانتسۋز تاۋارلارىنان تەك ءيىسسۋلار عانا بار ەكەن.
مۇرات ايتقوجا.
دەرەك, فوتو: Interfax.