الماتى. 29 ءساۋىر. ۋكراينانىڭ چەرنوبىل اتوم ەلەكتر ستانساسى اۋماعىنداعى قالىڭ ورماندى ءورت شالدى. Greenpeace قوزعالىسى بەلسەندىلەرىنىڭ مالىمەتىنە قاراعاندا, قازىردىڭ وزىندە 10 مىڭ گەكتار القاپ وت قۇشاعىندا قالعان. بۇل تۋرالى lenta.ru حابارلادى.
ءتىلسىز جاۋ 1986 جىلعى اتوم اپاتىنان كەيىن سالىنعان راديوكتيۆتى قالدىقتار ساقتالعان تىيىم سالىنعان جەرلەردەگى قويمالارعا جاقىنداپ كەلەدى. اتموسفەراعا راديواكتيۆتى ەلەمەنتتەر شىعۋى قاۋپى ءتوندى. گيدرومەتەورولوگيالىق ورتالىقتاردىڭ شۇعىل تاراتقان حابارىندا, ءتۇتىن تاياۋ كۇندەرى مينسك مەن كيەۆكە جەتۋى مۇمكىن دەلىنگەن.
ءورتتى قولدان تۇتاندىرعان دەگەن بولجام باسىم, بەيقامدىق سالدارى دەگەن دە دەرەك جوق ەمەس.
ۋكراينا پرەمەر-ءمينيسترى اندرەي ياتسەنيۋك: «ەلىمىزدە سوڭعى 22 جىلدا مۇنداي كولەمدە ءورت بولماعان», – دەدى. ءورتتى وشىرۋگە بارلىق كۇش جۇمىلدىرىلۋدا.
تالعات ءسۇيىنباي.
دەرەك: lenta.ru.
سۋرەت: AFP.