اتىراۋلىق جاستار ەلباسىنا قولداۋ كورسەتتى

اتىراۋ. 29 ءساۋىر. اتىراۋ جاستارى ەلباسىن ۇلىقتاۋ راسىمىنە فلەشموبپەن قولداۋ ءبىلدىردى. بۇل تۋرالى egemen.kz ءتىلشىسى حابارلادى. پرەزيدەنت نۇرسۇلتان نازارباەۆتىڭ اتىراۋعا ىقىلاسى ەرەكشە. ءوز كەزەگىندە مۇنايلى ءوڭىر تۇرعىندارى دا مەملەكەتتىڭ ساياساتىنا ۇدايى قولداۋ ءبىلدىرىپ كەلەدى. ونى وتكەن جەكسەنبىدەگى پرەزيدەنت سايلاۋىندا تاعى بىر رەت دالەلدەپ, ازاماتتىق بەلسەندىلىك تانىتتى. ال بۇگىن جاس بۋىن وكىلدەرى ەلباسى ساياساتىنا فلەشموب وتكىزۋ ارقىلى قولداۋ ءبىلدىردى. بەيبارىس سۇلتان الاڭىنا جينالعان جاستار پاتريوتتىق اندەر سازىنا بيلەدى. تاۋەلسىز ەلدىڭ كوك بايراعىن بەينەلەدى. «ءبىز, جاس بۋىن وكىلدەرى ەلباسى ساياساتىنىڭ جەمىسىن كورىپ كەلەمىز. ەلىمىز تىنىش, ەكونوميكامىز وركەن جايدى. الاڭسىز ءبىلىم الدىق. جۇمىسىمىز بار, جالاقىمىزدى تۇراقتى الىپ تۇرامىز. كەلەشەككە سەنىمىمىز مول, تۋعان وتانىمىز – قازاقستان بارىنەن قىمبات. وتانىڭا, تۋعان جەرگە جەتەر جەتەر ەل دە, جەر دە جوق. ونى ەشبىر ەلمەن ايىرباستاعىم كەلمەيدى. الەم ەلدەرى بىزدەگى تۇراقتىلىق پەن بىرلىككە, ەكونوميكالىق وركەندەۋ مەن جاڭعىرۋعا قىزىعىپ تا, قىزعانىپ قارايدى. مۇنىڭ بارىنە ەلباسىمىز نۇرسۇلتان نازارباەۆتىڭ ەرەن ەڭبەگى ارقىلى قول جەتكىزدىك. ەلباسى – بىزدەگى تۇراقتىلىق پەن دامۋدىڭ كەپىلى. سول سەبەپتەن, ءبىز ەلباسىمىزدى ءاردايىم قولدايمىز» – دەيدى قازاقشانى ەركىن مەڭگەرگەن بەلسەندى جاستىڭ ءبىرى سۆەتلانا ليۋبينا (سۋرەتتە). جولداسبەك شوپەعۇل. دەرەك: egemen.kz. سۋرەت: راحىم قويلىباەۆ.