استانا. 29 قاڭتار. ياۆا تەڭىزىنە قۇلاعان AirAsia كومپانياسىنىڭ ۇشاعىن اپاتقا ۇشىرار الدىندا ەكىنشى ۇشقىش باسقارعان. بۇل تۋرالى lenta.ru حابارلادى.
يندونەزيانىڭ كولىكتەگى قاۋىپسىزدىك بويىنشا ۇلتتىق كوميتەتىنىڭ باس تەرگەۋشىسى ماردجونو سيسۆوسۋۆارنونىڭ مالىمدەۋىنشە, ۇشاقتا ەشقانداي تەحنيكالىق احاۋ بولماعان جانە ەكيپاجدىڭ بارلىق مۇشەلەرىنە ۇشۋعا رۇقسات بەرىلگەن.
«قارا جاشىك» 11 قاڭتاردا ۇشاقتىڭ ارتقى جاعى تابىلعان تۇستان شامامەن شاقىرىم جەردەن تابىلعان.
ەستەرىڭىزگە سالا كەتەيىك, 2013 جىلعى 28 جەلتوقساندا يندونەزيانىڭ سۋرابايا قالاسىنان سينگاپۋرعا باعىت العان Airbus A320 ۇشاعى الدىن-الا اپات تۋرالى حابار بەرمەستەن رادارلاردىڭ ەكرانىنان جوعالىپ كەتكەن بولاتىن. ەكى كۇننەن كەيىن يندونەزيانىڭ اسكەري اۋە كۇشتەرى ۇشاقتىڭ قالدىقتارىن ياۆا تەڭىزىنەن تاپتى. ونىڭ بورتىندا بولعان 162 ادامنىڭ بارلىعى قازا تاپتى.
ايدار ورىسباەۆ.
دەرەك: lenta.ru.
سۋرەت: afp.com.