پەتروپاۆل. 29 قاڭتار. تۇرعىندار الدىنداعى ەسەپتىك كەزدەسۋدە قالا اكىمى مارات تاسماعانبەتوۆ جەڭىستىڭ 70 جىلدىعىنا وراي سوعىس ارداگەرلەرى مەن مۇگەدەكتەرىنىڭ ارقايسىسىنا بەرىلەتىن سىياقى مولشەرىنىڭ ۇلعايتىلىپ, 190 مىڭ تەڭگە بولاتىنىن جەتكىزدى. بۇل تۋرالى قالالىق اكىمدىكتىڭ ءباسپاسوز قىزمەتى حابارلادى.
«وتان ءۇشىن وت كەشىپ, قارداي بوراعان وقتىڭ استىندا جۇرگەن مايدانگەرلەردىڭ قاتارى سيرەپ كەلەدى. وبلىس ورتالىعىندا 162 سوعىس ارداگەرى مەن 6 مىڭنان استام تىل ەڭبەككەرى تۇرادى. ولاردىڭ بىردە-بىرەۋى قامقورلىقتان شەت قالمايدى. باسقا دا كومەكتەر ۇيىمداستىرىلادى», دەدى ءوز سوزىندە مارات يمانباي ۇلى.
بۇگىندە ۇلى جەڭىستىڭ 70 جىلدىعىنا ارنالعان شارالار تىڭعىلىقتى جۇرگىزىلۋدە. سونىڭ ءبىر مىسالىنا جەڭىس ساياباعىن قالپىنا كەلتىرۋ جۇمىسىن ايتۋعا بولادى.
قالالىق ءماسليحات دەپۋتاتتارىنىڭ شەشىمىمەن جەرگىلىكتى بيۋدجەتتەن بولىنەتىن ءبىر رەتتىك تولەمدەر كولەمى ۇلعايتىلدى. ول سوعىس مۇگەدەكتەرى مەن قاتىسۋشىلارى ءۇشىن 100 ايلىق ەسەپتىك كورسەتكىشتى قۇراسا, تىل ەڭبەككەرلەرى ءۇشىن 25 ايلىق ەسەپتىك كورسەتكىشكە دەيىن كوبەيتىلىپ وتىر. سونداي-اق, شيپاجايلاردا ەمدەلۋ, ءتىس پروتەزدەۋ ماقساتتارىنا 214 ملن. تەڭگە قاراستىرىلدى.
ءومىر ەسقالي.
دەرەك: پەتروپاۆل قالالىق اكىمدىگىنىڭ ءباسپاسوز قىزمەتى.
سۋرەت: ortcom.kz.