پەتروپاۆل. 29 قاڭتار. پەتروپاۆل قالاسىنداعى بازارلاردىڭ بىرىنەن 44 جاستاعى ايەلدىڭ ءولى دەنەسى تابىلىپ, وسى وقيعاعا بايلانىستى قىلمىستىق ءىس قوزعالدى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
مارقۇمنىڭ ولىمىنە كۇيەۋى كۇدىكتى رەتىندە تانىلىپ, قاماۋعا الىندى.
قازىر ادام ءولتىرۋ دەرەگىنە قاتىستى تەرگەۋ امالدارى جۇرگىزىلۋدە. كۇدىكتى ساۋدامەن اينالىساتىن ايەلىمەن ۇرسىسىپ, پىشاق جۇمساعانىن مويىندادى. ول ۋاقىتشا ۇستاۋ وقشاۋلاعىشقا قامالىپ, قىلمىستىق كودەكستىڭ 99-بابى بويىنشا ايىپ تاعىلدى. «ناقتى ساراپتامالار جۇرگىزىلىپ, ءىستىڭ اق-قاراسى انىقتالادى», دەيدى پەتروپاۆل قالالىق ىشكى ىستەر باسقارماسى تەرگەۋ ءبولىمىنىڭ باسشىسى ازات قۇسايىنوۆ.
ادام ءولتىرۋ فاكتىسى دالەلدەنسە, كۇدىكتى 15 جىلعا دەيىن تەمىر تورعا قامالۋى مۇمكىن.
ءومىر ەسقالي.
دەرەك: ءوىىد-ءنىڭ ءباسپاسوز قىزمەتى.
سۋرەت: gazeta.kz.