بەلگىلى ونەر جۇلدىزى باتىرحان شوكەنوۆ قايتىس بولدى

استانا. 29 ءساۋىر. بەلگىلى ونەر جۇلدىزى, «ا’ستۋديو» توبىنىڭ ءانشىسى باتىرحان شوكەنوۆ كەنەتتەن قايتىس بولدى. بۇل تۋرالى «ۆەستي.Ru» حابارلادى. «قازىرگى زامانعى رەسەي مۋزىكاسى اۋىر قايعىعا ۇشىرادى. جاسى 53-كە قاراعان شاعىندا مۋزىكانت,  «ا’ستۋديو» توبىنىڭ ءسوليسى باتىرحان شوكەنوۆ قايتىس بولدى. الدىن الا مالىمەتكە قاراعاندا, ول جۇرەك تالماسىنان ولگەن», - دەلىنگەن LifeNews جاريالاعان حابارلامادا. باتىرحان شوكەنوۆ قىزىلوردا قالاسىندا تۋعان. ول ءوزىنىڭ مۋزىكاداعى مانسابىن روزا رىمباەۆانىڭ توبىندا ساكسوفونيست رەتىندە باستادى. 1988 جىلى ءوزى دوستارىمەن بىرگە قۇرعان «ا’ستۋديو» توبىنىڭ ءارتىسى بولدى. كەيىن وسىندا «دجۋليا» دەگەن ءحيتىن شىعاردى. انسامبلگە بۇكىل حالىق ەلىككەن تابىس اللا پۋگاچەۆا نەگىزىن قالاعان «روجدەستۆەنسكيە ۆسترەچي» حابارىنا قاتىسا باستاعاننان كەيىن كەلدى. ءانشى 2000 جىلى جەكە مانسابىن جاساماقشى بولىپ «استۋديونى» تاستاپ كەتتى. باتىرحان شوكەنوۆ 2007 جىلى قازاقستان پرەزيدەنتى نۇرسۇلتان نازارباەۆتىڭ ونەر جونىندەگى كەڭەسشىسى بولدى. ال 2009 جىلعى قاراشادا قازاقستاننىڭ يۋنيسەف-تەگى ەلشىسى بولىپ بەكىتىلدى. ءانشى الداعى 18 مامىر كۇنى 53-كە تولاتىن ەدى. قايرات ق ۇلىمبەت. دەرەك, سۋرەت: ۆەستي.Ru.