ششۋچە-بۋراباي كۋرورتتى ايماعىنىڭ جەدەل دامۋى ءوڭىردىڭ تۋريستىك تارتىمدىلىعىن عانا ەمەس, ەلىمىزدىڭ الەمدىك دەڭگەيدەگى ابىرويىن اسقاقتاتا تۇسۋدە. ەلباسىنىڭ تاپسىرماسىن ورىنداۋ ماقساتىندا زاماناۋي تۇرعىن ءۇي, الەۋمەتتىك-ساۋىقتىرۋ ورتالىقتارى, وسكەلەڭ تالاپتاعى قوناقۇيلەر بوي كوتەردى. بۇعان بۋراباي حالىقارالىق ماڭىزدى جيىندار ورداسىنا اينالعانى دا مارتەبە قوسادى. مۇندا قازىردىڭ وزىندە جىل سايىن 500 مىڭنان استام تۋريستەر مەن تىنىعۋشىلار, شەتەلدىك دەلەگاتسيا مۇشەلەرى ەلىمىزدىڭ كوركەم تابيعات بايلىعىنا, كەڭقولتىق قوناقجايلىلىعىنا ءتانتى بولۋدا.
وسى رەتتە بۋراباي بوساعاسىنان اتتاعانداردىڭ, جەرگىلىكتى تۇرعىنداردىڭ الاڭسىز دەمالىسى مەن تىنىشتىعىن قامتاماسىز ەتۋ ايرىقشا نازاردا ۇستالاتىندىعىن ايتا كەتۋ لازىم. كۇنى كەشە, وبلىستىق ىشكى ىستەر دەپارتامەنتى ششۋچينسك قالاسىندا جەدەل باسقارۋ ورتالىعىن اشۋى بۇل تالاپتىڭ ويداعىداي ىسكە اسىرىلىپ جاتقانىن دالەلدەيدى. سالتاناتقا اقمولا وبلىسىنىڭ اكىمى سەرگەي كۋلاگين, وبلىستىق ىشكى ىستەر دەپارتامەنتىنىڭ باستىعى, پوليتسيا گەنەرال-مايورى جايلاۋبەك حالىق ۇلى قاتىسىپ, جاۋاپكەرشىلىك جۇگى سالماقتىلىعىن اڭعارتتى.
قوس قاباتتى عيماراتتى تۇرعىزۋعا 538,5 ميلليون تەڭگە, ال بەينەباقىلاۋ قوندىرعىسىن ورناتۋعا 56,6 ميلليون تەڭگە جۇمسالعان ەكەن. بۇل – رەسپۋبليكاداعى اۋدان ورتالىقتارى ىشىندەگى ەكىنشى نىسان. زامانالىق جابدىقتاردى «ASTEL» اكتسيونەرلىك قوعامى ورناتىپ, سىناقتان وتكىزگەن.
مۇندا ارنايى بىلىكتىلىك كۋرسىنان ءوتىپ, سەرتيفيكات العان 30 پوليتسيا قىزمەتكەرى جۇمىس ىستەيدى. ورتالىقتىڭ جەدەل كەزەكشىلەرى ششۋچە قالاسىنداعى 15 جانە بۋراباي كەنتىندەگى 5 بەينەباقىلاۋ كامەرالارىن ءبىر مەزەتتە ىسكە قوسىپ, جۇرتشىلىققا ونىڭ سان قىرلى الەۋەت-قارىمىن تانىستىردى. «اقىلدى ماشينالاردىڭ» نازارىنان ءتارتىپ بۇزۋ ارەكەتتەرىنىڭ بۇگە-شىگەسىن بىلاي قويعاندا, بەي-بەرەكەت لاقتىرىلعان تەمەكى تۇقىلى مەن ءتۇسىپ قالعان تۇيمەنىڭ ءوزى دە تىس قالمايتىنىن كورىپ-بىلدىك.
ءسويتىپ, ەندى جاڭا ورتالىقتىڭ تەحنيكالىق مۇمكىندىكتەرى قىلمىس پەن اكىمشىلىك قۇقىق بۇزۋشىلىق فاكتىلەرىن دەر كەزىندە انىقتاپ, جەدەل ارەكەت جاساۋداعى جانە ونىڭ الدىن الۋداعى قىزمەت تيىمدىلىگىن ارتتىرا تۇسەدى.
باقبەرگەن امالبەك,
«ەگەمەن قازاقستان».
اقمولا وبلىسى,
بۋراباي اۋدانى.
سۋرەتتى تۇسىرگەن
تولەگەن قوسشىعۇلوۆ.