ۇلتتىق مەرەكە – رەسپۋبليكا كۇنى قارساڭىندا عىلىم جانە جوعارى ءبىلىم مينيسترلىگىنىڭ باستاماسىمەن سالتاناتتى ءىس-شارا ءوتتى. ءىس-شاراعا عىلىم جانە جوعارى ءبىلىم ءمينيسترى ساياسات نۇربەك, «قازاقستاننىڭ ەڭبەك ەرى» اتاعىنىڭ يەگەرى, پرەزيدەنت جانىنداعى قر ۇلتتىق عىلىم اكادەمياسىنىڭ ۆيتسە-پرەزيدەنتى اسقار جۇمادىلداەۆ, مەملەكەتتىك ەلتاڭبانىڭ اۆتورى جانداربەك مالىبەكوۆ, جوعارى وقۋ ورىندارىنىڭ قىزمەتكەرلەرى, عالىمدار مەن زەرتتەۋشىلەر قاتىستى, دەپ حابارلايدى Egemen.kz.
ساياسات نۇربەك قاتىسۋشىلاردى مەرەكەمەن قۇتتىقتاي وتىرىپ, ءوزىنىڭ قۇتتىقتاۋ سوزىندە: «بۇل مەرەكە – تاۋەلسىز ەلىمىزدىڭ مەملەكەتتىلىك پەن ەگەمەندىككە باستاعان تاريحي قادامىنىڭ ايقىن سيمۆولى. رەسپۋبليكا كۇنىن ۇلتتىق مەرەكە رەتىندە بەلگىلەۋ – مەملەكەتىمىزدىڭ مىزعىماس نەگىزدەرىن نىعايتۋعا باعىتتالعان ماڭىزدى قادام. بۇل مەرەكە ءبىزدىڭ ۇلتتىق بىرەگەيلىگىمىزدى جاڭعىرتىپ, بولاشاققا سەنىممەن قاراۋعا ىنتالاندىرادى», دەپ اتاپ ءوتتى.مينيستر بيىل عىلىم سالاسىنداعى جەتىستىكتەر ەرەكشە نازارعا الىنىپ, كوپتەگەن عالىم وتاندىق عىلىمدى دامىتۋداعى ەرەكشە جەتىستىكتەرى, مەن بەلسەندى قوعامدىق قىزمەتى ءۇشىن مەملەكەت باسشىسىنىڭ جارلىعىمەن مەملەكەتتىك ناگرادالارعا يە بولعانىن, بۇل ولاردىڭ مارتەبەسىنىڭ جانە قوعامداعى ءرولىنىڭ ارتقانىن كورسەتەتىنىنە توقتالدى.سالتاناتتى ءىس-شارا اياسىندا اسقار جۇمادىلداەۆ رەسپۋبليكا كۇنىنىڭ تاريحي ماڭىزىنا توقتالىپ, 25 قازان كۇنى قابىلدانعان ەگەمەندىك دەكلاراتسياسىنىڭ ەلىمىز ءۇشىن ەرەكشە ماڭىزىن اتاپ ءوتتى. ونىڭ ايتۋىنشا, بۇل قۇجات ەلىمىزدىڭ ءوز بولاشاعىن دەربەس ايقىنداۋىنا, ساياسي, ەكونوميكالىق, مادەني دامۋدىڭ جاڭا كەزەڭىنە وتۋىنە نەگىز قالادى, سونداي-اق ۇلتتىق مەملەكەتتىلىگىمىزدى قالىپتاستىرۋعا جول اشىپ, قازىرگى قازاقستاننىڭ تاۋەلسىزدىككە قول جەتكىزۋىنە نەگىز بولدى.
مينيستر مەملەكەت باسشىسىنىڭ اتىنان ەلدىڭ دامۋىنا ەلەۋلى ۇلەس قوسقان بىرقاتار عىلىم جانە جوعارى ءبىلىم سالاسىنىڭ وكىلدەرىنە «پاراسات», «قۇرمەت» وردەندەرىن, «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعىن, «ەرەن ەڭبەگى ءۇشىن» مەدالى مەن پرەزيدەنتتىڭ «العىس حاتىن» تابىستادى. سونداي-اق عىلىم, جوعارى ءبىلىم جانە ءتىل ساياساتى سالاسىنداعى ەڭبەگىمەن ەرەكشەلەنگەن جوعارى وقۋ ورىندارىنىڭ قىزمەتكەرلەرى, عالىمدار مەن زەرتتەۋشىلەر «عىلىمدى دامىتۋعا سىڭىرگەن ەڭبەگى ءۇشىن», «انا ءتىلىن دامىتۋعا قوسقان ۇلەسى ءۇشىن», «احمەت بايتۇرسىن ۇلى» توسبەلگىسىمەن, قۇرمەت گراموتالارى جانە العىس حاتتارمەن ماراپاتتالدى.