استانا حالىقارالىق اۋەجايىندا قازاقستاننىڭ جالعان تولقۇجاتىن پايدالانىپ شەكارادان وتپەك بولعان وزگە ەل ازامات ۇستالدى. بۇل تۋرالى ۇلتتىق قاۋىپسىزدىك كوميتەتىنىڭ شەكارا قىزمەتى حابارلادى, دەپ جازادى Egemen.kz.
ءتيىستى شارا قولدانۋ ءۇشىن ماتەريالدار پوليتسيا ورگاندارىنا بەرىلگەنى حابارلاندى.
«2024 جىلدىڭ باسىنان بەرى شەكاراشىلار مەملەكەتتىك شەكارا ارقىلى وتكىزۋ پۋنكتتەرىندە جارامسىز جانە شەتەلدىك تولقۇجاتتاردى پايدالانۋدىڭ 198 فاكتىسىن توقتاتتى», دەلىنگەن حابارلامادا.
ۇلتتىق قاۋىپسىزدىك كوميتەتىنىڭ شەكارا قىزمەتى جالعان قۇجات قولدانۋ بويىنشا قىلمىستىق جاۋاپكەرشىلىك قاراستىرىلعانىن ەسكەرتتى.
بۇعان دەيىن شەكاراشىلار قوس ازاماتتىعى بار 935 ادامدى انىقتاعان. 12 شەتەل ازاماتى ەل اۋماعىنان شىعارىلدى.