2014 جىلعى 11 مامىر, استانا قالاسى
«قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ باقىلاۋ جانە الەۋمەتتىك قورعاۋ كوميتەتى» مەملەكەتتىك مەكەمەسىنىڭ ەرەجەسىن بەكىتۋ تۋرالى
بۇيىرامىن:
1. قوسا بەرىلىپ وتىرعان «قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ باقىلاۋ جانە الەۋمەتتىك قورعاۋ كوميتەتى» مەملەكەتتىك مەكەمەسىنىڭ ەرەجەسى بەكىتىلسىن.
2. قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ باقىلاۋ جانە الەۋمەتتىك قورعاۋ كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيستىرلىگىندە مەملەكەتتىك تىركەلۋىن;
2) وسى بۇيرىقتىڭ مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونى بۇقارالىق اقپارات قۇرالدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەننەن سوڭ قولدانىسقا ەنگىزىلەدى.
مينيستر ت.دۇيسەنوۆا.
قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ
2014 جىلعى 11 مامىرداعى №216-ءو بۇيرىعىمەن بەكىتىلگەن
باقىلاۋ جانە الەۋمەتتىك قورعاۋ كوميتەتى تۋرالى ەرەجە
1. جالپى ەرەجەلەر
1. «قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى باقىلاۋ جانە الەۋمەتتىك قورعاۋ كوميتەتى» (بۇدان ءارى – كوميتەت) مەملەكەتتىك مەكەمەسى ەڭبەك, ونىڭ ىشىندە ەڭبەك قاۋىپسىزدىگى جانە ەڭبەكتى قورعاۋ, حالىقتى الەۋمەتتىك قورعاۋ, الەۋمەتتىك قامسىزداندىرۋ, ونىڭ ىشىندە زەينەتاقىمەن قامسىزداندىرۋ جانە مىندەتتى الەۋمەتتىك ساقتاندىرۋ, مۇگەدەكتەردى الەۋمەتتىك قورعاۋ, بالالى وتباسىلاردى الەۋمەتتىك قولداۋ, ازاماتتاردىڭ جەكەلەگەن ساناتتارىنا الەۋمەتتىك كومەك كورسەتۋ سالاسىندا مەملەكەتتىك باقىلاۋدى جۇزەگە اسىراتىن قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ (بۇدان ءارى – مينيسترلىك) قۇزىرەتى شەگىندەگى ۆەدومستۆوسى جانە ۋاكىلەتتى ورگانى بولىپ تابىلادى.
2. كوميتەت ءوز قىزمەتىن قازاقستان رەسپۋبليكاسىنىڭ كونستيتۋتسياسى مەن زاڭدارىنا, قازاقستان رەسپۋبليكاسى پرەزيدەنتى مەن ۇكىمەتىنىڭ اكتىلەرىنە, وزگە دە نورماتيۆتىك قۇقىقتىق اكتىلەرگە, سونداي-اق وسى ەرەجەگە سايكەس جۇزەگە اسىرىلادى.
3. كوميتەت مەملەكەتتىك مەكەمەنىڭ ۇيىمدىق-قۇقىقتىق نىسانىنداعى زاڭدى تۇلعا بولىپ تابىلادى, ونىڭ مەملەكەتتىك تىلدە ءوز اتاۋى جازىلعان ءمورى مەن ءمورتاڭبالارى, بەلگىلەنگەن ۇلگىدەگى بلانكىلەرى, قازاقستان رەسپۋبليكاسىنىڭ زاڭناماسىنا سايكەس قازىناشىلىق ورگانداردا شوتتارى بولادى.
4. كوميتەت ءوز قۇزىرەتى شەگىندەگى ماسەلەلەر بويىنشا قازاقستان رەسپۋبليكاسىنىڭ زاڭناماسىندا كوزدەلگەن باسقا دا اكتىلەرمەن, كوميتەت توراعاسىنىڭ بۇيرىقتارىمەن رەسىمدەلەتىن زاڭنامادا بەلگىلەنگەن تارتىپپەن شەشىمدەر قابىلدايدى.
5. كوميتەتتىڭ قۇرىلىمى مەن شتات سانىن مينيسترمەن كەلىسىلگەننەن كەيىن, مينيسترلىكتىڭ جاۋاپتى حاتشىسى بەكىتەدى.
كوميتەت:
1) ەڭبەك زاڭناماسىن باقىلاۋ باسقارماسىنان;
2) الەۋمەتتىك قورعاۋ جانە مەديتسينالىق-الۋمەتتىك ساراپتاما جونىندەگى زاڭنامالاردى باقىلاۋ باسقارماسىنان;
3) ەڭبەك جاعدايلارىن باقىلاۋ جانە ەڭبەكتى قورعاۋ باسقارماسىنان تۇرادى.
6. وسى ەرەجەگە قوسىمشاعا سايكەس كوميتەتتىڭ وبلىستاردا, استانا جانە الماتى قالالارىندا اۋماقتىق بولىمشەلەرى بار.
7. كوميتەتتىڭ ورنالاسقان جەرى: 010000, استانا قالاسى, ەسىل اۋدانى, ورىنبور كوشەسى, 8-ءۇي, «مينيسترلىكتەر ءۇيى» اكىمشىلىك عيماراتى, 6-كىرەبەرىس.
8. كوميتەتتىڭ تولىق اتاۋى – «قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى باقىلاۋ جانە الەۋمەتتىك قورعاۋ كوميتەتى» مەملەكەتتىك مەكەمەسى.
9. وسى ەرەجە كوميتەتتىڭ قۇرىلتاي قۇجاتى بولىپ تابىلادى.
10. كوميتەتتىڭ قىزمەتىن قارجىلاندىرۋ رەسپۋبليكالىق بيۋدجەت قاراجاتىنىڭ ەسەبىنەن جۇزەگە اسىرىلادى.
11. جۇمىس رەجيمى قازاقستان رەسپۋبليكاسىنىڭ ەڭبەك زاڭناماسىنا سايكەس مينيسترلىكتىڭ جۇمىس رەگلامەنتىندە بەلگىلەنەدى.
12. كوميتەتكە ءوزىنىڭ فۋنكتسيالارى بولىپ تابىلاتىن مىندەتتەردى ورىنداۋ تۇرعىسىندا كاسىپكەرلىك سۋبەكتىلەرىمەن شارتتىق قاتىناستارعا تۇسۋگە تىيىم سالىنادى.
ەگەر كوميتەتكە قازاقستان رەسپۋبليكاسىنىڭ زاڭنامالىق اكتىلەرىمەن كىرىستەر اكەلەتىن قىزمەتتى جۇزەگە اسىرۋ قۇقىعى بەرىلگەن بولسا, وندا مۇنداي قىزمەتتەن الىنعان كىرىستەر رەسپۋبليكالىق بيۋدجەتتىڭ كىرىسىنە جىبەرىلەدى.
2. كوميتەتتىڭ نەگىزگى مىندەتتەرى جانە فۋنكتسيالارى
13. كوميتەتتىڭ نەگىزگى مىندەتتەرى:
1) الەۋمەتتىك قامسىزداندىرۋ, ونىڭ ىشىندە زەينەتاقىمەن قامسىزداندىرۋ جانە مىندەتتى الەۋمەتتىك ساقتاندىرۋ; بالالى وتباسىلاردى الەۋمەتتىك قولداۋ; ازاماتتاردىڭ جەكەلەگەن ساناتتارىنا الەۋمەتتىك كومەك كورسەتۋ, مۇگەدەكتەردى الەۋمەتتىك قورعاۋ سالاسىندا ءوز قۇزىرەتى شەگىندە مەملەكەتتىك ساياساتتى ىسكە اسىرۋ;
2) قازاقستان رەسپۋبليكاسىنداعى ەڭبەك زاڭناماسىنىڭ, ونىڭ ىشىندە ءوز قۇزىرەتى شەگىندە ەڭبەك قاۋىپسىزدىگى جانە ەڭبەكتى قورعاۋ, حالىقتى جۇمىسپەن قامتۋ تۋرالى تالاپتارى بويىنشا مەملەكەتتىك باقىلاۋدى جۇزەگە اسىرۋ;
3) ءوز قۇزىرەتى شەگىندە ەڭبەك قاۋىپسىزدىگى جانە ونى قورعاۋ سالاسىندا باقىلاۋدى ۇيىمداستىرۋ;
4) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن مەملەكەتتىك ەڭبەك ينسپەكتسياسىنىڭ جەرگىلىكتى ورگاندارىنىڭ وندىرىستەگى جازاتايىم وقيعالارعا تەرگەۋ جۇرگىزۋىنە, ونىڭ ىشىندە وندىرىستەگى جازاتايىم وقيعالارعا تەرگەۋدىڭ ۋاقتىلى جانە وبەكتيۆتى جۇرگىزىلۋىنە باقىلاۋدى جۇزەگە اسىرۋ;
5) اۋماقتىق بولىمشەلەردىڭ قىزمەتىنە باسشىلىق جاساۋدى جۇزەگە اسىرۋ جانە اۋماقتىق بولىمشەلەردىڭ جانە ەڭبەك ينسپەكتسياسى جونىندەگى جانە جەرگىلىكتى ورگانداردىڭ قىزمەتىن ۇيلەستىرۋ.
14. كوميتەتكە جۇكتەلگەن مىندەتتەرگە سايكەس زاڭنامادا بەلگىلەنگەن تارتىپپەن مىناداي فۋنكتسيالاردى جۇزەگە اسىرادى:
الەۋمەتتىك قامسىزداندىرۋ, ونىڭ ىشىندە زەينەتاقىمەن قامسىزداندىرۋ جانە مىندەتتى الەۋمەتتىك ساقتاندىرۋ, بالالى وتباسىلاردى الەۋمەتتىك قولداۋ, ازاماتتاردىڭ جەكەلەگەن ساناتتارىنا الەۋمەتتىك كومەك كورسەتۋ, مۇگەدەكتەردى الەۋمەتتىك قورعاۋ سالاسىندا ءوز قۇزىرەتى شەگىندە مەملەكەتتىك ساياساتتى ىسكە اسىرۋ جونىندەگى مىندەتتەردى ىسكە اسىرۋ ماقساتىندا:
1) مەملەكەتتىك بازالىق زەينەتاقى تولەمىن, مۇگەدەكتىگى بويىنشا, اسىراۋشىسىنان ايىرىلۋ جاعدايى بويىنشا جانە جاسىنا بايلانىستى مەملەكەتتىك الەۋمەتتىك جاردەماقىلاردى, «زەينەتاقى تولەۋ جونىندەگى مەملەكەتتىك ورتالىق» رمقك-دان (بۇدان ءارى – ورتالىق) جانە «مەملەكەتتىك الەۋمەتتىك ساقتاندىرۋ قورى» اق-دان (بۇدان ءارى – قور) بەرىلەتىن زەينەتاقى جانە الەۋمەتتىك تولەمدەردى, ارناۋلى مەملەكەتتىك جاردەماقىنى, مەملەكەتتىك ارنايى جاردەماقىنى, بالالى وتباسىلارعا بەرىلەتىن مەملەكەتتىك جاردەماقىنى, بانكروتتىق سالدارىنان تاراتىلعان زاڭدى تۇلعالاردىڭ, قىزمەتكەرلەرىنىڭ ءومىرى مەن دەنساۋلىعىنا كەلتىرگەن زياندى وتەۋ جونىندەگى تولەمدەردى كاپيتالداندىرۋ كەزەڭى اياقتالعاننان كەيىن بەرىلەتىن اي سايىنعى تولەمدى, سەمەي يادرولىق سىناق پوليگونىنداعى يادرولىق سىناقتاردىڭ سالدارىنان زارداپ شەككەن ازاماتتارعا, ساياسي قۋعىن-سۇرگىن قۇرباندارىنا بەرىلەتىن بىرجولعى اقشالاي وتەماقىنى, جەرلەۋگە بىرجولعى تولەمدى تاعايىنداۋ جانە تولەۋدى قامتاماسىز ەتۋ;
2) ورتالىقتان جانە قوردان زەينەتاقى جانە الەۋمەتتىك تولەمدەردى تاعايىنداۋ نە تاعايىنداۋدان باس تارتۋ تۋرالى شەشىم قابىلداۋ;
3) ورتالىقتان جانە قوردان بەرىلەتىن زەينەتاقى جانە الەۋمەتتىك تولەمدەر الۋشىلاردىڭ سانى جانە سومالارى تۋرالى دەرەكتەردى جيناقتاۋدى ۇيىمداستىرۋ;
4) ورتالىقتان جانە قوردان بەرىلەتىن زەينەتاقى جانە الەۋمەتتىك تولەمدەردى تاعايىنداۋ جانە الۋ ماسەلەلەرى بويىنشا تۇسىنىكتەمە بەرۋ;
5) ورتالىقتان مەملەكەتتىك بازالىق زەينەتاقى تولەمىنىڭ, زەينەتاقى تولەمدەرىنىڭ, مۇگەدەكتىگى بويىنشا, اسىراۋشىسىنان ايىرىلۋ جاعدايى بويىنشا جانە جاسىنا بايلانىستى مەملەكەتتىك الەۋمەتتىك جاردەماقىلاردىڭ, ارناۋلى مەملەكەتتىك جاردەماقىنىڭ, مەملەكەتتىك ارنايى جاردەماقىنىڭ, بالا تۋعا جانە بالا كۇتىمى بويىنشا جاردەماقىنىڭ, ساياسي قۋعىن-سۇرگىن قۇرباندارىنا, سەمەي يادرولىق سىناق پوليگونىندا يادرولىق سىناقتاردىڭ سالدارىنان زارداپ شەككەن ازاماتتارعا بىرجولعى اقشالاي وتەماقىنىڭ, جەرلەۋگە بىرجولعى تولەمدەردىڭ, بانكروتتىق سالدارىنان تاراتىلعان زاڭدى تۇلعالاردىڭ, قىزمەتكەرلەرىنىڭ ءومىرى مەن دەنساۋلىعىنا كەلتىرگەن زياندى وتەۋ جونىندەگى تولەمدەردى كاپيتالداندىرۋ كەزەڭى اياقتالعاننان كەيىن بەرىلەتىن اي سايىنعى تولەمدەردىڭ, قوردان بەرىلەتىن الەۋمەتتىك تولەمدەردىڭ ۋاقتىلى جانە تولىق تولەنۋىنە باقىلاۋدى جۇزەگە اسىرۋ;
6) ورتالىقتان بەرىلەتىن زەينەتاقى جانە الەۋمەتتىك تولەمدەردى جانە قوردان الەۋمەتتىك تولەمدەردى تاعايىنداۋ ءۇشىن قاجەتتى قۇجاتتاردىڭ دۇرىستىعىن تەكسەرۋ;
7) ءوزىنىڭ باقىلاۋ جانە قاداعالاۋ فۋنكتسيالارىن قامتاماسىز ەتۋ ءۇشىن ورتالىقتان جانە قوردان بەرىلەتىن زەينەتاقى جانە الەۋمەتتىك تولەمدەردىڭ بارلىق تۇرلەرى بويىنشا قارجىلىق جانە وزگە دە ەسەپتىلىك تىزبەسىن, نىساندارىن, ۇسىنۋ مەرزىمدەرىن ايقىنداۋ;
8) قوردىڭ قىزمەتى تۋرالى مالىمەتتەردى, سونداي-اق مەملەكەتتىك ورگانداردان جانە ۇيىمداردان ءوزىنىڭ باقىلاۋ جانە قاداعالاۋ فۋنكتسيالارىن جۇزەگە اسىرۋعا قاجەتتى مالىمەتتەردى الۋ;
9) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن قوردىڭ قىزمەتىن ءوز قۇزىرەتى شەگىندە ينسپەكتسيالاۋ;
10) مەديتسينالىق-الەۋمەتتىك ساراپتاما جۇرگىزۋ;
11) مۇگەدەكتىك توبىن, ونىڭ سەبەپتەرىن, مۇگەدەكتىكتىڭ باستالۋ مەرزىمدەرىن, ۋاقىتىن, ەڭبەك ەتۋ قابىلەتىنەن ايرىلۋ دارەجەسىن, اعزا فۋنكتسيالارىنىڭ بۇزىلۋ جانە تىنىس-تىرشىلىگىنىڭ شەكتەلۋ دارەجەسىنە بايلانىستى «مۇگەدەك بالا» ساناتىن ايقىنداۋ;
12) مۇگەدەكتەردى وڭالتۋدىڭ جەكە باعدارلاماسىن جاساۋ جانە ولاردىڭ وڭالتىلۋىن باقىلاۋ;
قازاقستان رەسپۋبليكاسىنداعى ەڭبەك زاڭناماسىنىڭ, ونىڭ ىشىندە ەڭبەك قاۋىپسىزدىگى جانە ونى قورعاۋ تالاپتارىنىڭ, حالىقتى جۇمىسپەن قامتۋ تۋرالى زاڭنامانىڭ ساقتالۋىنا مەملەكەتتىك باقىلاۋدى جۇزەگە اسىرۋ جونىندەگى مىندەتتەردى ىسكە اسىرۋ ماقساتىندا ءوز قۇزىرەتى شەگىندە:
1) ەڭبەك قاتىناستارىن رەتتەۋ سالاسىندا جەرگىلىكتى اتقارۋشى ورگانداردىڭ قىزمەتىن ۇيلەستىرۋدى جۇزەگە اسىرۋ جانە ادىستەمەلىك باسشىلىق جاساۋ;
2) «مۇگەدەكتىگى بار ادامداردىڭ ورتالىقتاندىرىلعان دەرەكتەر قورىن», «ەڭبەكتى قورعاۋ» ااج-نىڭ دەرەكقورىن قالىپتاستىرۋ, سونداي-اق «ە-سوبەس», «الەۋمەتتىك كومەك: ااك, مبج», «شەتەلدىك جۇمىس كۇشى», «ەڭبەك نارىعى», «جۇمىسپەن قامتۋ» ااج-نى سۇيەمەلدەۋ;
ەڭبەك قاۋىپسىزدىگى جانە ونى قورعاۋ سالاسىندا باقىلاۋدى ۇيىمداستىرۋ جونىندەگى مىندەتتەردى ىسكە اسىرۋ ماقساتىندا ءوز قۇزىرەتى شەگىندە:
1) باسشى قىزمەتكەرلەردىڭ جانە جۇمىس بەرۋشىلەردەگى ەڭبەك قاۋىپسىزدىگى جانە ونى قورعاۋدى قامتاماسىز ەتۋگە جاۋاپتى ادامداردىڭ ءبىلىمىن تەكسەرۋدى جۇرگىزۋگە جانە وقىتۋعا قاتىسۋ;
2) ەڭبەك قاۋىپسىزدىگى جانە ونى قورعاۋ سالاسىندا مونيتورينگتى جانە تاۋەكەلدەردى باعالاۋدى ۇيىمداستىرۋ;
3) ەڭبەك قاۋىپسىزدىگى جانە ونى قورعاۋ ماسەلەلەرى بويىنشا قىزمەتكەرلەردىڭ, جۇمىس بەرۋشىلەردىڭ جانە ولاردىڭ وكىلدەرىنىڭ وتىنىشتەرىن قاراۋ;
قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن مەملەكەتتىك ەڭبەك ينسپەكتسياسىنىڭ جەرگىلىكتى ورگاندارىنىڭ وندىرىستەگى جازاتايىم وقيعالارعا تەرگەۋ جۇرگىزۋىنە, ونىڭ ىشىندە وندىرىستەگى جازاتايىم وقيعالارعا تەرگەۋدىڭ ۋاقتىلى جانە وبەكتيۆتى جۇرگىزىلۋىنە باقىلاۋدى جۇزەگە اسىرۋ جونىندەگى مىندەتتەردى ىسكە اسىرۋ ماقساتىندا:
1) ءۇش ادامنان بەس ادامعا دەيىن قازا بولعان جاعدايدا وندىرىستەگى توپتىق جازاتايىم وقيعالارعا تەرگەۋ جۇرگىزۋ ءۇشىن كوميسسيا قۇرۋ;
2) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپتە ءۇش ادامنان بەس ادامعا دەيىن قازا بولعان جاعدايدا وندىرىستەگى توپتىق جازاتايىم وقيعالارعا تەرگەۋ جۇرگىزۋ;
3) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن وندىرىستەگى جازاتايىم وقيعالارعا تەرگەۋدىڭ ۋاقتىلى جانە وبەكتيۆتى جۇرگىزىلۋىنە باقىلاۋدى جۇزەگە اسىرۋ;
4) جازاتايىم وقيعالارعا تەرگەۋ جۇرگىزۋ, رەسىمدەۋ جانە تىركەۋ ماسەلەلەرى بويىنشا جۇمىس بەرۋشى, قىزمەتكەر جانە مەملەكەتتىك ەڭبەك ينسپەكتورى اراسىنداعى كەلىسپەۋشىلىكتەردى قاراۋ;
ەڭبەك ينسپەكتسياسى جونىندەگى اۋماقتىق بولىمشەلەردىڭ جانە جەرگىلىكتى ورگانداردىڭ قىزمەتىنە باسشىلىق جاساۋدى جانە ۇيلەستىرۋدى جۇزەگە اسىرۋ جونىندەگى مىندەتتەردى ىسكە اسىرۋ ماقساتىندا:
1) ەڭبەك ينسپەكتسياسى جونىندەگى جەرگىلىكتى ورگاننىڭ قىزمەتىن ۇيلەستىرۋ جانە قىزمەتىن تەكسەرۋدى جۇزەگە اسىرۋ;
2) ەڭبەك ينسپەكتسياسى جونىندەگى جەرگىلىكتى اتقارۋشى ورگانداردان ەڭبەك قاتىناستارى ماسەلەلەرى بويىنشا قاجەتتى اقپاراتتى سۇراتۋدى جۇزەگە اسىرۋ;
3) اۋماقتىق بولىمشەلەرگە قۇقىقتىق, كونسۋلتاتسيالىق جانە ءتۇسىندىرۋ جۇمىستارىن جۇزەگە اسىرۋ;
4) كوميتەتكە زاڭنامادا جانە مينيسترلىك باسشىلىعى جۇكتەگەن وزگە دە مىندەتتەر مەن فۋنكتسيالار.
15. كوميتەتكە جۇكتەلگەن نەگىزگى مىندەتتەردى ىسكە اسىرۋ جانە فۋنكتسيالاردى جۇزەگە اسىرۋ ءۇشىن زاڭنامادا بەلگىلەنگەن تارتىپپەن:
1) قازاقستان رەسپۋبليكاسىنىڭ ەڭبەك زاڭناماسى تالاپتارىنىڭ ساقتالۋى بويىنشا تەكسەرۋدى جانە مەملەكەتتىك باقىلاۋدىڭ باسقا دا نىساندارىن جۇزەگە اسىرۋعا;
2) كوميتەتتىڭ قۇزىرەتىنە كىرەتىن ماسەلەلەردى تالقىلاۋ جونىندەگى كوميسسيالار مەن جۇمىس توپتارىنىڭ جۇمىسىنا قاتىسۋعا;
3) باسقا مەملەكەتتىك ورگاندارمەن, جەرگىلىكتى اتقارۋشى ورگاندارمەن جانە ۇيىمدارمەن بايلانىستى جۇزەگە اسىرۋعا;
4) مەملەكەتتىك ەڭبەك ينسپەكتسياسى جونىندەگى جەرگىلىكتى اتقارۋشى ورگانداردان ەڭبەك قاتىناستارىنا قاتىستى قاجەتتى اقپاراتتى سۇراتۋعا;
5) مينيسترلىكتىڭ قاراماعىنداعى ۇيىمداردان, ۋاكىلەتتى جەرگىلىكتى اتقارۋشى ورگانداردان, مەملەكەتتىك ەڭبەك ينسپەكتسياسىنان, جۇمىس بەرۋشىلەردەن (زاڭدى تۇلعالاردان), جەكە تۇلعالاردان, كاسىپكەرلىكپەن اينالىساتىن ادامداردى قوسا العاندا بەلگىلەنگەن تارتىپپەن تالداۋ جۇمىسىن قامتاماسىز ەتۋ جانە كوميتەتكە جۇكتەلگەن فۋنكتسيالاردى ورىنداۋ ءۇشىن قاجەتتى قۇجاتتاردى جانە اقپاراتتىق سيپاتتاعى انىقتامالاردى سۇراتۋعا;
6) قازاقستان رەسپۋبليكاسىنىڭ قولدانىستاعى زاڭناماسىندا كوزدەلگەن وزگە دە قۇقىقتاردى جۇزەگە اسىرۋعا قۇقىعى بار.
16. مىندەتتەرى:
1) كوميتەت قۇزىرىنا كىرەتىن ماسەلەلەر بويىنشا مەملەكەتتىك جانە مەملەكەتتىك ەمەس ۇيىمداردا مينيسترلىك اتىنان وكىلەتتىك ەتۋ جانە ءتيىستى حات الماسۋ;
2) كوميتەتتىڭ قۇزىرىنا كىرەتىن ماسەلەلەر بويىنشا ءتيىستى شەشىمدەردى قابىلداۋ;
3) قازاقستان رەسپۋبليكاسىنىڭ زاڭناماسىن, زاڭدى جانە جەكە تۇلعالاردىڭ زاڭمەن ساقتالاتىن مۇددەلەرىن قورعاۋدى ساقتاۋ.
3. كوميتەتتىڭ قىزمەتىن ۇيىمداستىرۋ
17. كوميتەتتى قىزمەتىنە مينيستر تاعايىندايتىن جانە قىزمەتىنەن بوساتاتىن توراعا – قازاقستان رەسپۋبليكاسىنىڭ باس مەملەكەتتىك ەڭبەك ينسپەكتورى (بۇدان ءارى – توراعا) باسقارادى.
18. كوميتەت توراعاسىنىڭ ۇسىنۋى بويىنشا كوميتەت توراعاسىنىڭ جاۋاپتى حاتشى قىزمەتكە تاعايىندايتىن جانە قىزمەتتەن بوساتاتىن ورىنباسارلارى بولادى.
19. كوميتەت توراعاسى كوميتەتتىڭ جۇمىسىن ۇيىمداستىرادى جانە باسشىلىق جاسايدى جانە كوميتەتكە جۇكتەلگەن مىندەتتەردىڭ ورىندالۋى جانە ونىڭ ءوز فۋنكتسيالارىن جۇزەگە اسىرۋى ءۇشىن دەربەس جاۋاپتى بولادى.
20. وسى ماقساتتاردا كوميتەت توراعاسى:
1) ەڭبەك قاتىناستارىنىڭ ماسەلەلەرى زاڭنامالىق اكتىلەرگە سايكەس جوعارى تۇرعان مەملەكەتتىك ورگاندار مەن لاۋازىمدى ادامداردىڭ قۇزىرەتىنە جاتقىزىلعان قىزمەتكەرلەردى قوسپاعاندا, زاڭناماعا سايكەس كوميتەتتىڭ قىزمەتكەرلەرىن قىزمەتكە تاعايىندايدى جانە بوساتادى;
2) كوميتەتتىڭ قۇرىلىمدىق بولىمشەلەرى باسشىلارىنىڭ مىندەتتەرى مەن وكىلەتتىكتەرىن بەلگىلەيدى;
3) كوميتەتتىڭ اۋماقتىق بولىمشەلەرى باسشىلارىنىڭ جانە باسشىلار ورىنباسارلارىنىڭ مىندەتتەرى مەن وكىلەتتىكتەرىن بەلگىلەيدى;
4) ەڭبەك قاتىناستارىنىڭ ماسەلەلەرى زاڭنامالىق اكتىلەرگە سايكەس جوعارى تۇرعان مەملەكەتتىك ورگاندار مەن لاۋازىمدى ادامداردىڭ قۇزىرەتىنە جاتقىزىلعان قىزمەتكەرلەردى قوسپاعاندا, كوميتەت قىزمەتكەرلەرىنىڭ جۇمىسىنىڭ تيىمدىلىگى مەن ساپاسىن انىقتاۋ ءۇشىن جىل سايىن ولاردىڭ قىزمەتىن باعالاۋدى جۇرگىزەدى;
5) كوميتەت قىزمەتكەرلەرى مەن اۋماقتىق بولىمشەلەر باسشىلارىنىڭ ورىنباسارلارىن ىسساپارعا جىبەرۋ, دەمالىستار بەرۋ, ماتەريالدىق كومەك كورسەتۋ, دايارلاۋ (قايتا دايارلاۋ), بىلىكتىلىگىن ارتتىرۋ, كوتەرمەلەۋ, ۇستەماقى جانە سىيلىقاقى تولەۋ ماسەلەلەرىن زاڭنامامەن بەلگىلەنگەن تارتىپپەن شەشەدى;
6) ەڭبەك قاتىناستارىنىڭ ماسەلەلەرى زاڭنامالىق اكتىلەرگە سايكەس جوعارى تۇرعان مەملەكەتتىك ورگاندار مەن لاۋازىمدى ادامداردىڭ قۇزىرەتىنە جاتقىزىلعان قىزمەتكەرلەردى قوسپاعاندا, كوميتەت قىزمەتكەرلەرىنە تارتىپتىك جازا قولدانۋ سۇراقتارىن شەشەدى;
7) كوميتەت توراعاسى ورىنباسارلارىن, سونداي-اق اۋماقتىق بولىمشەلەردىڭ باسشىلارىن ىسساپارعا جىبەرۋ, دەمالىستار بەرۋ, ماتەريالدىق كومەك كورسەتۋ, دايارلاۋ (قايتا دايارلاۋ), بىلىكتىلىگىن ارتتىرۋ, كوتەرمەلەۋ, ۇستەماقى جانە سىيلىقاقى تولەۋ, اتقارۋشىلىق جانە ەڭبەك تارتىبىنە قاتىستى ماسەلەلەردى جاۋاپتى حاتشىنىڭ قاراۋىنا ۇسىنادى;
8) وبلىستىڭ, رەسپۋبليكالىق ماڭىزى بار قالانىڭ, استانانىڭ باس مەملەكەتتىك ەڭبەك ينسپەكتورىن تاعايىنداۋدى كەلىسەدى;
9) ءوز قۇزىرەتى شەگىندە قۇقىقتىق اكتىلەرگە قول قويادى;
10) مەملەكەتتىك ورگانداردا جانە مەنشىك نىسانىنا قاراماستان وزگە ۇيىمداردا, سونداي-اق جەكە تۇلعالارمەن قارىم-قاتىناستا كوميتەتتىڭ اتىنان وكىلدىك ەتەدى;
11) زاڭناماعا سايكەس كوميتەت اتىنان زاڭدى جانە جەكە تۇلعالارعا نارازىلىقتار مەن تالاپ ءبىلدىرۋ تۋرالى شەشىمدەر قابىلدايدى;
12) كوميتەتتە سىبايلاس جەمقورلىققا قارسى ءىس-قيمىل جاساۋعا باعىتتالعان شارالار قابىلدايدى جانە سىبايلاس جەمقورلىققا قارسى ءتيىستى شارالار قابىلداماعانى ءۇشىن دەربەس جاۋاپكەرشىلىكتە بولادى.
4. كوميتەتتىڭ مۇلكى
21. كوميتەتتە قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا جەدەل باسقارۋ قۇقىعىندا وقشاۋلانعان مۇلكى بولۋى مۇمكىن.
كوميتەتتىڭ مۇلكى وعان مەنشىك يەسى بەرگەن م ۇلىك, سونداي-اق ءوز قىزمەتى ناتيجەسىندە ساتىپ العان مۇلكى (اقشالاي كىرىستەردى قوسا العاندا) جانە قازاقستان رەسپۋبليكاسىنىڭ زاڭناماسىندا تىيىم سالىنباعان وزگە دە كوزدەر ەسەبىنەن قالىپتاستىرىلادى.
22. كوميتەتكە بەكىتىپ بەرىلگەن م ۇلىك رەسپۋبليكالىق مەنشىككە جاتادى.
23. ەگەر زاڭنامادا وزگەشە كوزدەلمەسە, كوميتەتتىڭ وزىنە بەكىتىلگەن م ۇلىكتى جانە سمەتا بويىنشا وزىنە بولىنگەن قاراجات ەسەبىنەن ساتىپ الىنعان م ۇلىكتى ءوز بەتىمەن يەلىكتەن شىعارۋعا نەمەسە وعان وزگەدەي تاسىلمەن بيلىك ەتۋگە قۇقىعى جوق.
5. كوميتەتتى قايتا ۇيىمداستىرۋ جانە تاراتۋ
24. كوميتەتتى قايتا ۇيىمداستىرۋ جانە تاراتۋ قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى.
باقىلاۋ جانە الەۋمەتتىك قورعاۋ كوميتەتى تۋرالى ەرەجەگە قوسىمشا
قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى باقىلاۋ جانە الەۋمەتتىك قورعاۋ كوميتەتىنىڭ قاراماعىنداعى اۋماقتىق بولىمشەلەردىڭ تىزبەسى
1. اقمولا وبلىسى بويىنشا باقىلاۋ جانە الەۋمەتتىك قورعاۋ دەپارتامەنتى, كوكشەتاۋ قالاسى.
2. اقتوبە وبلىسى بويىنشا باقىلاۋ جانە الەۋمەتتىك قورعاۋ دەپارتامەنتى, اقتوبە قالاسى.
3. الماتى وبلىسى بويىنشا باقىلاۋ جانە الەۋمەتتىك قورعاۋ دەپارتامەنتى, الماتى قالاسى.
4. اتىراۋ وبلىسى بويىنشا باقىلاۋ جانە الەۋمەتتىك قورعاۋ دەپارتامەنتى, اتىراۋ قالاسى.
5. شىعىس قازاقستان وبلىسى بويىنشا باقىلاۋ جانە الەۋمەتتىك قورعاۋ دەپارتامەنتى, وسكەمەن قالاسى.
6. جامبىل وبلىسى بويىنشا باقىلاۋ جانە الەۋمەتتىك قورعاۋ دەپارتامەنتى, تاراز قالاسى.
7. باتىس قازاقستان وبلىسى بويىنشا باقىلاۋ جانە الەۋمەتتىك قورعاۋ دەپارتامەنتى, ورال قالاسى.
8. قاراعاندى وبلىسى بويىنشا باقىلاۋ جانە الەۋمەتتىك قورعاۋ دەپارتامەنتى, قاراعاندى قالاسى.
9. قىزىلوردا وبلىسى بويىنشا باقىلاۋ جانە الەۋمەتتىك قورعاۋ دەپارتامەنتى, قىزىلوردا قالاسى.
10. قوستاناي وبلىسى بويىنشا باقىلاۋ جانە الەۋمەتتىك قورعاۋ دەپارتامەنتى, قوستاناي قالاسى.
11. ماڭعىستاۋ وبلىسى بويىنشا باقىلاۋ جانە الەۋمەتتىك قورعاۋ دەپارتامەنتى, اقتاۋ قالاسى.
12. پاۆلودار وبلىسى بويىنشا باقىلاۋ جانە الەۋمەتتىك قورعاۋ دەپارتامەنتى, پاۆلودار قالاسى.
13. سولتۇستىك قازاقستان وبلىسى بويىنشا باقىلاۋ جانە الەۋمەتتىك قورعاۋ دەپارتامەنتى, پەتروپاۆل قالاسى.
14. وڭتۇستىك قازاقستان وبلىسى بويىنشا باقىلاۋ جانە الەۋمەتتىك قورعاۋ دەپارتامەنتى, شىمكەنت قالاسى.
15. استانا قالاسى بويىنشا باقىلاۋ جانە الەۋمەتتىك قورعاۋ دەپارتامەنتى, استانا قالاسى.
16. الماتى قالاسى بويىنشا باقىلاۋ جانە الەۋمەتتىك قورعاۋ دەپارتامەنتى, الماتى قالاسى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 5 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9484 بولىپ ەنگىزىلدى.