ۇلتتىق قاۋىپسىزدىك كوميتەتىندە 2015 جىل وزىندىك جۇمىس ىرعاعىمەن باستالدى. ناقتىراق ايتقاندا, اسكەري-جاۋىنگەرلىك جوسپارعا سايكەس شەكارا اكادەمياسىنىڭ وقۋ ورتالىعىندا وڭىرلىك باسقارمالاردىڭ, قۇرامالار مەن اسكەري بولىمدەر كومانديرلەرىنىڭ وقۋ-مەتوديكالىق جيىنى بولىپ ءوتتى.
ەلىمىزدىڭ بارلىق وڭىرلەرىنەن كەلگەن باسشىلىق قۇرام شەكارا قىزمەتى ديرەكتورىنىڭ ءبىرىنشى ورىنباسارى – باس شتاب باستىعى ە. الداجۇمانوۆتىڭ, ديرەكتوردىڭ ورىنباسارى پولكوۆنيك م. ءسابيدولدانوۆتىڭ جانە ورتالىق اپپارات وفيتسەرلەرىنىڭ باسشىلىعىمەن اسكەري-جاۋىنگەرلىك, دەنەشىنىقتىرۋ ءجانە ساپتىق قوزعالىس پاندەرى بويىنشا ءوز بىلىمدەرىن قايتا پىسىقتادى. سونداي-اق, جيىن باعدارلاماسىنا سايكەس قازاقستان رەسپۋبليكاسىنىڭ زاڭدىلىقتارىن وقىتۋ, قارۋلى كۇشتەردىڭ جارعىلارىن پىسىقتاۋ ءۇشىن ارنايى سەمينار, لەكتسيالار ۇيىمداستىرىلدى. جيىن بارىسىندا كوشپەلى پراكتيكالىق ساباقتار وتكىزۋ دە باستى نازاردا بولدى. ونىڭ ىشىندە كومانديرلەر الماتى گارنيزونىندا ورنالاسقان اسكەري بولىمدەردىڭ, جوندەۋ زاۋىتىنىڭ, ورتالىق قويمانىڭ تىنىس-تىرشىلىگىمەن تانىستى.
جيىن سوڭىندا شەكارا قىزمەتىنىڭ باسشىسى پولكوۆنيك د. ءدىلمانوۆ ەڭ الدىمەن جيىننىڭ جوعارى دەڭگەيدە, جيناقى جاعدايدا وتكىزىلگەنىن اتاپ ءوتتى. وسىنداي ۇيىمداستىرۋشىلىق قىزمەتى ءۇشىن شەكارا اكادەمياسىنىڭ, كينولوگيالىق ورتالىقتىڭ جانە ورتالىق اپپاراتتىڭ وفيتسەرلەرىنە ريزاشىلىعىن ءبىلدىردى. كەز كەلگەن ءىس-شارا كەمشىلىكسىز بولمايدى. جيىن قورىتىندىسى بويىنشا ناشار باعا العان بىرقاتار وفيتسەرلەر سىن تەزىنە ۇشىرادى. بۇل ماسەلە ارنايى جينالىس بارىسىندا قارالاتىندىعى ايتىلدى, دەپ حابارلادى قر ۇقك شق-نىڭ ءباسپاسوز قىزمەتى.